Oddvitaáskorunin: Á enn Hondu Civic sem hann keypti sautján ára Samúel Karl Ólason skrifar 12. maí 2022 21:00 Vísir stendur fyrir Oddvitaáskoruninni 2022 þar sem skorað er á oddvita allra flokka í sveitarfélögum um land allt að taka þátt. Áskorunin felur í sér stutta kynningu og að svara nokkrum léttum spurningum. Ragnar Baldvin Sæmundsson leiðir lista Framsóknar og frjálsra á Akranesi í komandi sveitarstjórnarkosningum. Ragnar Baldvin Sæmundsson er oddviti Framsóknar og frjálsra á Akranesi. Ragnar, eða Raggi eins og hann er oftast kallaður er fæddur og uppalinn á Skaganum og vill hvergi annars staðar búa. Hann er giftur Sigrúnu Ingu Guðnadóttur, lögfræðing og saman eiga þau þrjú börn, Dag Óla 12 ára, Sjönu Maríu 9 ára og Unu Laufeyju 3 ára. Raggi er útskrifaður vélvirki frá Fjölbrautaskóla Vesturlands á Akranesi og lærði svo viðskiptafræði í Háskóla Íslands. Hann hefur verið bæjarfulltrúi síðastliðið kjörtímabil og formaður umhverfis- og skipulagsráðs, þá situr hann einnig í skóla- og frístundaráði og stjórn Faxaflóahafna. „Ég hef alltaf haft mjög sterkar skoðanir og jafnframt brennandi áhuga á pólitík og málefnum samfélagsins almennt. Starf bæjarfulltrúa getur verið krefjandi en er á sama tíma eitt það áhugaverðasta og skemmtilegasta sem ég hef fengist við. Að sjá verkefni sem maður brennur fyrir raungerast er geggjað!! Akranes er bæjarfélag í mikilli sókn og ég hef fulla trú á því sem koma skal.“ Staða bæjarfélagsins er góð, góður rekstur og ábyrg fjármálastjórn síðasta kjörtímabils er að skila sér, en Framsókn og frjálsir hafa verið í meirihluta í bæjarstjórn ásamt Samfylkingunni. Mikill uppgangur hefur verið í sveitarfélaginu sem er í örum vexti og hefur uppbygging innviða að sama skapi verið mikil. Á lista Framsóknar og frjálsra á Akranesi er fjölbreyttur hópur öflugs fólks með skýra framtíðarsýn og markmið um að gera góðan bæ enn betri. Við viljum halda áfram metnaðarfullu uppbyggingarstarfi á traustum grunni í þágu íbúa. Hver er fallegasti staðurinn á Íslandi? Við fjölskyldan ferðumst mikið og Ísland hættir aldrei að koma á óvart með sínum óteljandi perlum. En þegar upp er staðið hef ég ekki en fundið þann stað sem toppar Reykhólasveitina. Bjart sumarkvöld, fjöllin og Breiðafjörðurinn - Það er bara eitthvað þarna. Er eitthvað lítilvægt sem fer þó í taugarnar á þér í þínu sveitarfélagi sem þú vilt að sé lagað? Ég held við séum öll sammála um að það þurfi að setja aðeins meira í göturnar. Hvert er þitt uppáhalds áhugamál sem gæti þótt skrítið? Veit ekki hvort að ég geti beint sagt að þetta sé áhugamál, en ég á enn í bílaplaninu Hondu Civic sem ég keypti þegar að ég var 17 ára og klappa henni reglulega. Sjálfum finnst mér þetta mjög eðlilegt en mögulega einhverjum sem gæti þótt þetta skrítið öðrum en konunni minni. Hver eru þín minnistæðustu samskipti við lögregluna? Ég og lögreglan vorum ekki alveg að tengja fram á unglingsárin, get þó ekki sagt að eitthvað sé minnistæðara en annað. Sá svo að þetta var bara eitthvað unglingarugl og er í dag giftur starfsmanni lögreglunnar. Hvað færðu þér á pizzu? Það sem er til í skápnum. Allt sjávarfang er þó á bannlista að humar undanskildum. Pepperóni og döðlur eru grunnur að góðri veislu. Hvaða lag peppar þig mest? „Ég er ekki alki“ með Bjartmari keyrir gleðina í gang. Hvað getur þú tekið margar armbeygjur? Aðeins færri en ég vonaðist til. Göngutúr eða skokk? Klárlega göngutúr, hefði samt gott af því að auka hraðann. Uppáhalds brandari? Er mikil pabbabrandarakarl. Góðan pabbabrandara er ekki hægt að segja eftir pöntun, snýst allt um mómentið, já eða ekki mómentið! Hvað er þitt draumafríi? Það er ekkert sem toppar íslenskt sumarkvöld í útilegu með fjölskyldu og vinum. Hvort fannst þér 2020 eða 2021 vera verra ár? 2020 kom covid og átti bara að stoppa stutt en svo kom 2021 og covid ætlaði aldrei að fara, svo ég verð að segja 2021. En í hreinskilni sagt voru bæði 20 og 21 frábær ár fyrir mig og mína fjölskyldu. Uppáhalds tónlistarmaður? Bjartmar Guðlaugsson. Hvað er það skrýtnasta sem þú manst eftir að hafa gert? Kemur ekkert sérstakt upp í hugann. Ef það væri gerð kvikmynd um ævi þína, hver ætti að leika þig? Má vera íslenskur eða útlenskur. Vin Disel hefur gönnað Faxabrautina, hann gæti því auðveldlega sett sig í mín spor. Hefur þú verið í verbúð? Nei því miður. Áhrifamesta kvikmyndin? To fast to furious 8 – Faxabrautin og síðasta stóra giggið í Sementsverksmiðjunni. Áttu eftir að sakna Nágranna? Nei ég á svo góða nágranna. Ef þú yrðir að flytja úr þínu sveitarfélagi, hvert myndir þú helst vilja fara? Það hefur alltaf blundað smá bóndi í mér og mig hefur þ.l. alltaf langað að búa í sveit. Hver veit nema sá æskudraumur rætist þegar að ég verð stór. Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla) Can't walk away með Herbert Guðmundssyni. Líður líka smá eins og ég sé í hans liði eftir að hafa fengið hann í heimsókn með bækur og geisladiska. Oddvitaáskorunin Sveitarstjórnarkosningar 2022 Akranes Framsóknarflokkurinn Mest lesið Einar á Söndru Bullock mikið að þakka Lífið Valerie Mahaffey er látin Lífið Jóhanna Guðrún gæsuð Lífið Race Across the World-keppandi látinn eftir bílveltu Lífið Á loks réttinn að öllum plötunum sínum Lífið Krakkatían: Lilo & Stitch, Skólahreysti og útskriftir Lífið „Ég fæ ekki á broddinn nema Knicks vinni“ Lífið Matti Matt nú meistari Lífið Yfir tvö hundruð tryllitæki sýnd um helgina Lífið samstarf Fréttatía vikunnar: Clint Eastwood, útivistarsvæði og óvenjuleg lending Lífið Fleiri fréttir Race Across the World-keppandi látinn eftir bílveltu Valerie Mahaffey er látin Krakkatían: Lilo & Stitch, Skólahreysti og útskriftir Einar á Söndru Bullock mikið að þakka Á loks réttinn að öllum plötunum sínum „Ég fæ ekki á broddinn nema Knicks vinni“ Allt að verða klárt fyrir Sjómannadaginn Fréttatía vikunnar: Clint Eastwood, útivistarsvæði og óvenjuleg lending Matti Matt nú meistari Mikið um dýrðir á þjóðardegi Íslands í Japan Sætustu systur landsins skáluðu fyrir Birni Hamingjusöm pör noti mikið samanburð við aðra Í Love Island eftir lífshættulegt slys Sydney Sweeney selur sápu úr skítugu baðvatni sínu Jóhanna Guðrún gæsuð Brad Pitt tjáir sig í fyrsta skipti um skilnaðinn „Þetta tekur svo svakalega á sálartetrið“ Sjarmerandi miðbæjaríbúð listapars Heillaði að læra hefðirnar í Húsó Steldu senunni í veislu sumarsins Hefur lést um níu kíló eftir hjartaáfallið: „Maður vaknar svolítið við þetta“ Dreymir stanslaust kynlíf með öðru fólki en makanum Skvísurnar tóku yfir klúbbinn Tónlistarbransadrottning selur miðbæjarslotið Handlagin hjón selja tvær eignir í sögulegu farandshúsi Kjalar ástfanginn í tvö ár Diddú tíu þúsundasti gestur fótboltabullnanna Sú elsta í sögu Ungfrú Ísland glímdi við átröskun og varð minnst 39 kíló Alda Karen keppir í hermiakstri Var ekki að lifa lífinu heldur að þrauka það Sjá meira
Ragnar Baldvin Sæmundsson leiðir lista Framsóknar og frjálsra á Akranesi í komandi sveitarstjórnarkosningum. Ragnar Baldvin Sæmundsson er oddviti Framsóknar og frjálsra á Akranesi. Ragnar, eða Raggi eins og hann er oftast kallaður er fæddur og uppalinn á Skaganum og vill hvergi annars staðar búa. Hann er giftur Sigrúnu Ingu Guðnadóttur, lögfræðing og saman eiga þau þrjú börn, Dag Óla 12 ára, Sjönu Maríu 9 ára og Unu Laufeyju 3 ára. Raggi er útskrifaður vélvirki frá Fjölbrautaskóla Vesturlands á Akranesi og lærði svo viðskiptafræði í Háskóla Íslands. Hann hefur verið bæjarfulltrúi síðastliðið kjörtímabil og formaður umhverfis- og skipulagsráðs, þá situr hann einnig í skóla- og frístundaráði og stjórn Faxaflóahafna. „Ég hef alltaf haft mjög sterkar skoðanir og jafnframt brennandi áhuga á pólitík og málefnum samfélagsins almennt. Starf bæjarfulltrúa getur verið krefjandi en er á sama tíma eitt það áhugaverðasta og skemmtilegasta sem ég hef fengist við. Að sjá verkefni sem maður brennur fyrir raungerast er geggjað!! Akranes er bæjarfélag í mikilli sókn og ég hef fulla trú á því sem koma skal.“ Staða bæjarfélagsins er góð, góður rekstur og ábyrg fjármálastjórn síðasta kjörtímabils er að skila sér, en Framsókn og frjálsir hafa verið í meirihluta í bæjarstjórn ásamt Samfylkingunni. Mikill uppgangur hefur verið í sveitarfélaginu sem er í örum vexti og hefur uppbygging innviða að sama skapi verið mikil. Á lista Framsóknar og frjálsra á Akranesi er fjölbreyttur hópur öflugs fólks með skýra framtíðarsýn og markmið um að gera góðan bæ enn betri. Við viljum halda áfram metnaðarfullu uppbyggingarstarfi á traustum grunni í þágu íbúa. Hver er fallegasti staðurinn á Íslandi? Við fjölskyldan ferðumst mikið og Ísland hættir aldrei að koma á óvart með sínum óteljandi perlum. En þegar upp er staðið hef ég ekki en fundið þann stað sem toppar Reykhólasveitina. Bjart sumarkvöld, fjöllin og Breiðafjörðurinn - Það er bara eitthvað þarna. Er eitthvað lítilvægt sem fer þó í taugarnar á þér í þínu sveitarfélagi sem þú vilt að sé lagað? Ég held við séum öll sammála um að það þurfi að setja aðeins meira í göturnar. Hvert er þitt uppáhalds áhugamál sem gæti þótt skrítið? Veit ekki hvort að ég geti beint sagt að þetta sé áhugamál, en ég á enn í bílaplaninu Hondu Civic sem ég keypti þegar að ég var 17 ára og klappa henni reglulega. Sjálfum finnst mér þetta mjög eðlilegt en mögulega einhverjum sem gæti þótt þetta skrítið öðrum en konunni minni. Hver eru þín minnistæðustu samskipti við lögregluna? Ég og lögreglan vorum ekki alveg að tengja fram á unglingsárin, get þó ekki sagt að eitthvað sé minnistæðara en annað. Sá svo að þetta var bara eitthvað unglingarugl og er í dag giftur starfsmanni lögreglunnar. Hvað færðu þér á pizzu? Það sem er til í skápnum. Allt sjávarfang er þó á bannlista að humar undanskildum. Pepperóni og döðlur eru grunnur að góðri veislu. Hvaða lag peppar þig mest? „Ég er ekki alki“ með Bjartmari keyrir gleðina í gang. Hvað getur þú tekið margar armbeygjur? Aðeins færri en ég vonaðist til. Göngutúr eða skokk? Klárlega göngutúr, hefði samt gott af því að auka hraðann. Uppáhalds brandari? Er mikil pabbabrandarakarl. Góðan pabbabrandara er ekki hægt að segja eftir pöntun, snýst allt um mómentið, já eða ekki mómentið! Hvað er þitt draumafríi? Það er ekkert sem toppar íslenskt sumarkvöld í útilegu með fjölskyldu og vinum. Hvort fannst þér 2020 eða 2021 vera verra ár? 2020 kom covid og átti bara að stoppa stutt en svo kom 2021 og covid ætlaði aldrei að fara, svo ég verð að segja 2021. En í hreinskilni sagt voru bæði 20 og 21 frábær ár fyrir mig og mína fjölskyldu. Uppáhalds tónlistarmaður? Bjartmar Guðlaugsson. Hvað er það skrýtnasta sem þú manst eftir að hafa gert? Kemur ekkert sérstakt upp í hugann. Ef það væri gerð kvikmynd um ævi þína, hver ætti að leika þig? Má vera íslenskur eða útlenskur. Vin Disel hefur gönnað Faxabrautina, hann gæti því auðveldlega sett sig í mín spor. Hefur þú verið í verbúð? Nei því miður. Áhrifamesta kvikmyndin? To fast to furious 8 – Faxabrautin og síðasta stóra giggið í Sementsverksmiðjunni. Áttu eftir að sakna Nágranna? Nei ég á svo góða nágranna. Ef þú yrðir að flytja úr þínu sveitarfélagi, hvert myndir þú helst vilja fara? Það hefur alltaf blundað smá bóndi í mér og mig hefur þ.l. alltaf langað að búa í sveit. Hver veit nema sá æskudraumur rætist þegar að ég verð stór. Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla) Can't walk away með Herbert Guðmundssyni. Líður líka smá eins og ég sé í hans liði eftir að hafa fengið hann í heimsókn með bækur og geisladiska.
Oddvitaáskorunin Sveitarstjórnarkosningar 2022 Akranes Framsóknarflokkurinn Mest lesið Einar á Söndru Bullock mikið að þakka Lífið Valerie Mahaffey er látin Lífið Jóhanna Guðrún gæsuð Lífið Race Across the World-keppandi látinn eftir bílveltu Lífið Á loks réttinn að öllum plötunum sínum Lífið Krakkatían: Lilo & Stitch, Skólahreysti og útskriftir Lífið „Ég fæ ekki á broddinn nema Knicks vinni“ Lífið Matti Matt nú meistari Lífið Yfir tvö hundruð tryllitæki sýnd um helgina Lífið samstarf Fréttatía vikunnar: Clint Eastwood, útivistarsvæði og óvenjuleg lending Lífið Fleiri fréttir Race Across the World-keppandi látinn eftir bílveltu Valerie Mahaffey er látin Krakkatían: Lilo & Stitch, Skólahreysti og útskriftir Einar á Söndru Bullock mikið að þakka Á loks réttinn að öllum plötunum sínum „Ég fæ ekki á broddinn nema Knicks vinni“ Allt að verða klárt fyrir Sjómannadaginn Fréttatía vikunnar: Clint Eastwood, útivistarsvæði og óvenjuleg lending Matti Matt nú meistari Mikið um dýrðir á þjóðardegi Íslands í Japan Sætustu systur landsins skáluðu fyrir Birni Hamingjusöm pör noti mikið samanburð við aðra Í Love Island eftir lífshættulegt slys Sydney Sweeney selur sápu úr skítugu baðvatni sínu Jóhanna Guðrún gæsuð Brad Pitt tjáir sig í fyrsta skipti um skilnaðinn „Þetta tekur svo svakalega á sálartetrið“ Sjarmerandi miðbæjaríbúð listapars Heillaði að læra hefðirnar í Húsó Steldu senunni í veislu sumarsins Hefur lést um níu kíló eftir hjartaáfallið: „Maður vaknar svolítið við þetta“ Dreymir stanslaust kynlíf með öðru fólki en makanum Skvísurnar tóku yfir klúbbinn Tónlistarbransadrottning selur miðbæjarslotið Handlagin hjón selja tvær eignir í sögulegu farandshúsi Kjalar ástfanginn í tvö ár Diddú tíu þúsundasti gestur fótboltabullnanna Sú elsta í sögu Ungfrú Ísland glímdi við átröskun og varð minnst 39 kíló Alda Karen keppir í hermiakstri Var ekki að lifa lífinu heldur að þrauka það Sjá meira