„Hefur legið í marineringu í níu á

Þeir duttu inn á skemmtilegan samhljóm sem mætti lýsa sem melódískri og angurværri popptónlist með nostalgískum keim, en þar má greina áhrif frá hljómsveitum á borð við The Beach Boys og The Knife. Tilbury gáfu út frumburðinn Exercise árið 2012 og fylgdu honum eftir með plötunni Northern Comfort ári síðar. Þriðja plata Tilbury er svo væntanleg í október á þessu ári.

„Lagið hefur legið í marineringu í níu ár og hefði alls ekki mátt liggja þar lengur. Ég er mjög glaður að geta loksins borið það fram á borð.“

Lagið Skylights er angurvært ástarlag frá árinu 2013 og fjallar um söknuð og sameiningu. Líkt og flest önnur lög á væntanlegri plötu Tilbury þá var grunnurinn að laginu tekinn upp árið 2015, árið sem platan átti upphaflega að koma út. Vegna lífsins dróst útgáfan þó talsvert á langinn, en kemur hér loksins út.