Risavaxinn bleikja úr Eyjafjarðará

Karl Lúðvíksson skrifar 11. ágúst 2022 09:44

Eyjafjarðará er eiginlega örugg með það að gefa einhverjar stórar bleikjur á hverju sumri og það verður engin breyting á þetta árið.

Í gær veiddist ein af þessum stóru bleikjum sem sjást reglulega í ánni en hafa reynst mönnum erfiðar í töku. Þessi tröllvaxna bleikja mældist 72 sm og er stærsta bleikjan sem við höfum heyrt af í sumar en hún veidist á Jökulbreiðu. Veiðimaðurinn er Aron Sigurþórsson og óskum við honum innilega til hamingju með þessa flottu bleikju. Það er svo spurning hvort það veiðist einhver stærri í sumar en við viljum gjarnan fá að sjá stórar bleikjur á Veiðivísi því það má lengi dást að stórum fallegum bleikjum svo mikið er víst.

Stangveiði Eyjafjarðarsveit