90 laxa holl í Laxá í Dölum

Það er alla vega deginum ljósara að áin er að hrökkva í síðsumarsgírinn og veiðitölurnar sýna það svart á hvítu. Holl sem var að ljúka veiðum í gær var með 90 laxa á land á sex stangir í þrjá daga sem er ekkert annað en frábær veiði en við heyrðum í veiðimanni í gær sem var við veiðar í þessu holli og sagði hann, eins og veiðitölur gefa til kynna, að það hefði verið einstaklega gaman við Laxá í gær. Frábært vatn og laxinn í miklu tökustuði. Það er ennþá lax að ganga eftir því sem við fréttum og þess vegna líklega að þessi flotta á eigi mikið inni núna það sem eftir lifir af veiðitímanum.