Pedersen kominn á ról: „Fyrsti leikurinn í sumar þar sem ég fann ekkert til“

Þetta var fimmta þrennan sem Patrick Pedersen skorar fyrir Val sá leikmaður sem hefur skorað flestar þrennur er Hermann Gunnarsson heitinn en hann gerði níu slíkar á sínum ferli.

Þriðja mark Pedersen í gær var hans áttugusta og sjötta mark í efstu deild. Hann er nú orðinn níundi markahæsti leikmaður efstu deildar frá upphafi. Hann á aftur á móti 45 mörk í að jafna við Tryggva Guðmundsson, markahæsta leikmann efstu deildar frá upphafi. Patrick hafði ekki hugmynd um það á æfingu í morgun að hann væri orðinn einn af 10 markahæstu leikmönnum efstu deildar frá upphafi.

„Ég vissi ekki af þessu, en einhverjir af strákunum bentu mér á þetta í morgun. Ég vissi ekki af þessu en það er frábært að heyra,“

Patrick var næst spurður að því hvort hann væri farinn að hugsa um að bæta markametið þar sem hann væri aðeins þrjátíu ára gamall og fleiri leikir spilaðir núna í deildinni.

„Kannski ekki. Ég á eitt og hálft ár eftir af samningnum hér en við erum núna að spila 27 leiki á tímabilinu, svo það ætti að leiða af sér fleiri mörk. Við sjáum til hvernig þetta fer,“ segir Patrick sem útilokar ekki að framlengja þegar sá samningur rennur út.

„Af hverju ekki? Ég kann vel við mig hér, það veltur á Val, hvort þeir vilji framlengja við mig eða ekki. Það kemur í ljós,“

Patrick hefur glímt við meiðsli nánast allt tímabilið og spilað verkjaður í öllum leikjum.

„Þetta var fyrsti leikurinn í sumar þar sem ég fann ekkert til. Ég hef verið í vandræðum með hásinina á mér allt tímabilið. Svo það var gott að finna ekkert til í gær,“