Gerir sex ára samning við Chelsea

SkySports greinir frá tíðindunum, aðeins tveimur dögum eftir að Lundúnarliðið keypti Pierre Emerick Aubameyang frá Barcelona.

Broja lék sem lánsmaður hjá Southampton í fyrra og vakti töluverða athygli fyrir framgöngu sína í úrvalsdeildinni en hann hefur ekki fengið margar mínútur með Chelsea í upphafi móts í ár og því vekja fréttir af nýjum langtímasamningi töluverða athygli.

Sóknarmaðurinn var eftirsóttur í sumar og föluðust meðal annars West Ham og Everton eftir kröftum hans en allt kom fyrir ekki.

Broja er fæddur og uppalinn í Englandi en spilar fyrir Albaníu og hefur gert fjögur mörk í fjórtán landsleikjum.