Albumm frumsýning - nýtt myndband frá Tragically Unknown

Steinar Fjeldsted skrifar 4. október 2022 01:31

Tragically Unknown gefur út sitt fyrsta tónlistarmyndband við lagið In Between og var það frumsýnt á Albumm.com. Lagið kom út í sumar og var önnur smáskífan af væntanlegri plötu sem kemur út síðar í október.

Dagur Leó Berndsen leikstýrði myndbandinu og sá um upptökur. Helena Hafsteinsdóttir, söngkona hljómsveitarinnar, leikur aðalhlutverkið á móti Ingvari Erni Arngeirssyni.

Texti lagsins fjallar um sambandsslit og eru honum gerð góð skil í myndbandinu. Þórgnýr Einar Albertsson spilar á bassa og Oddur Mar Árnason spilar á gítar.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband með því að senda póst á albumm@albumm.is.

Tónlist