Þétting byggðar ein helsta or­sök tíðra raf­magns­bilana

Raf­magnið datt út á stórum hluta mið­bæjarins, Vestur­bæjar og Granda síð­degis í gær. Bilunin hafði miklar af­leiðingar fyrir rekstrar­aðila á svæðinu.

„Þetta hafði bara mjög mikil á­hrif. Við töpuðum mikilli sölu,“ segir Ólafur Örn Ólafs­son, einn af eig­endum veitinga­staðarins Brút á Póst­hús­stræti.

Til­kynning barst frá Veitum seinni partinn í gær þar sem fram kom að raf­magns­laust yrði á öllu svæðinu fram til mið­nættis. Ólafur tók þá á­kvörðun um að loka staðnum.

„Ég kemst svo að því að þetta er ekki nema hálfur bærinn, þannig að það er fullt af fólki í bænum en svo kemur raf­magnið á sem er náttúru­lega bara frá­bært en það tekur okkur alveg góðan klukku­tíma að koma okkur aftur af stað,“ segir Ólafur Örn.

Þetta hafi haft mikil á­hrif á reksturinn.

„Ég var búinn að hringja í alla gesti sem áttu pantað og segja þeim að við værum með lokað þannig að við tókum ein­hverja nokkra inn af götunni. Þau voru bara mjög á­nægð með þetta og þetta var frá­bært en miðað við föstu­dags­kvöld vorum við að taka bara ein­hverjar ör­fáar hræður,“ segir Ólafur Örn.

Byggingaframkvæmdir vandamálið

Þetta er í þriðja skiptið á innan við mánuði sem raf­magns­laust verður á ein­hverjum hluta sama svæðis.

„Í raf­magninu sér­stak­lega þá er þetta tals­vert núna á skömmum tíma. En það sem við teljum al­mennt að sé að valda þessum truflunum hjá okkur er þessi jarð­vinna ná­lægt strengjunum okkar þar sem er verið að grafa í námunda við þá,“ segir Jóhannes Þor­leiks­son, for­stöðu­maður Raf­veitu hjá Veitum.

„Þetta er sko bæði náttúru­lega þétting byggðar og svo eru fram­kvæmdir um alla borg. Og við erum al­mennt í góðri sam­vinnu við Reykja­víkur­borg og verk­taka eins og við getum en við höfum ekki fulla yfir­sýn yfir allt sem er í gangi,“ segir Jóhannes.