Steve Bruce rekinn frá WBA

West Brom var í ensku úrvalsdeildinni fyrir tveimur tímabilum síðan en hefur aðeins unnið einn af fyrstu þrettán deildarleikjum sínum á þessari leiktíð.

Fyrir vikið þá situr West Brom liðið í fallsæti en síðasta leikur liðsins undir stjórn Bruce var markalaust jafntefli á móti Luton um helgina.

22. sæti er lægsta staða WBA í meira en tuttugu ár.

Bruce var knattspyrnustjóri West Brom í aðeins átta mánuði því hann tók við liðinu í byrjun febrúar. Liðið vann 8 af 32 leikjum undir hans stjórn.

Bruce er 61 árs gamall og talaði um það þegar Newcastle lét hann fara á svipuðum tíma fyrir ári síðan, að hann væri hættur. Fjórum mánuðum seinna var hann aftur kominn í eldlínuna og nú verður að koma í ljós hvort þetta sé hann síðasta starf á ferlinum.

Aðstoðarmenn Bruce, Steve Agnew, Stephen Clemence og Alex Bruce, eru allir hættir líka og þjálfari 21 árs liðs félagsins, Richard Beale, er tekinn tímabundið við sem knattspyrnustjóri.