Valur byrjar Evrópudeildina á heimavelli og fyrsti útileikurinn verður á Benidorm

Riðlakeppnin fer einmitt af stað þann dag, en henni lýkur rúmum fjórum mánuðum síðar, þann 28. febrúar á næsta ári. Sex lið eru í riðlinum, en ásamt Val og Ferencváros eru spænska liðið Benidorm, þýska liðið Flensburg, franska liðið PAUC og sænska liðið Ystads.

Fyrsti útileikur Vals verður svo á einum vinsælasta ferðamannastað Íslendinga seinustu áratugi, Benidorm. Valur sækir Benidorm heim þann 1. nóvember.

Þar á eftir koma svo tveir leikir í röð gegn Íslendingaliðunum í riðlinum. Teitur Örn Einarsson og félagar hans í þýska stórliðinu Flensburg mæta í Origo-höllina þann 22. nóvember og Kristján Örn Kristjánsson og félagar hans í franska liðinu PAUC taka á móti liðinu viku síðar.

Alls eru fjögur lið sem fara upp úr þessum sex liða riðli og möguleikar Vals verða því að teljast nokkuð góðir. Seinasti leikur Vals í riðlakeppninni er útileikur gegn sænska liðinu Ystads þann 28. febrúar á næsta ári og miðað við styrkleika liðanna í riðlinum gæti vel farið svo að það verði úrslitaleikur um sæti upp úr riðlinum.

Leikir Vals í riðlakeppninni