Diego slasaður eftir að hafa orðið fyrir bíl

Rúmlega níu þúsund manns eru í Facebook hópnum „Spottaði Diego“ og síðan fregnir bárust í morgun af slysinu hafa fjölmargir sent hlýjar kveðjur og lýst yfir áhyggjum sínum í hópnum. Nokkrir hafa boðist til að aðstoða við sjúkrakostnað ef til þess kemur. Það er ljóst að ferfætlingurinn hefur snert hjörtu fjölmargra landsmanna.

Óhætt er að segja að Diego sé einn frægasti köttur landsins en í frétt Vísis í fyrra kemur fram að það komi fyrir að fólk geri sér sérstaka ferð í Skeifuna til að berja stjörnuna augum. Diego er fastagestur í Hagkaup og A4 og sést einnig reglulega á Dominos og öðrum stöðum í Skeifunni.

Að neðan má sjá umfjöllun um Diego úr fréttum Stöðvar 2 í fyrra.