Innlent

Bein útsending: Minnast þeirra sem létu lífið í krapaflóðunum

Samúel Karl Ólason skrifar
Minningarstundin hefst í Patreksfjarðarkirkju klukkan 14 á morgun, sunnudag.
Minningarstundin hefst í Patreksfjarðarkirkju klukkan 14 á morgun, sunnudag. Vísir/Vilhelm

Fjörutíu ár eru liðin frá því tvö krapaflóð féllu á Patreksfjörð svo fjögur létust og nítján hús skemmdust. Haldin er minningarathöfn um þau sem létust en athöfnin er sýnd í beinni útsendingu.

Listamenn af svæðinu flytja tónlistaratriði. Að því loknu verður gengið að minnisvarða þeirra sem létust í krapaflóðunum, þar verða viðbragðsaðilar á svæðinu í broddi fylkingar.

Fylgjast má með minningarathöfnina í spilaranum hér að neðan. Þar að neðan má svo sjá dagskrána.

Dagskrá

14:00 – Minningarstund í Patreksfjarðarkirkju. Séra Kristján Arason heldur minningarstund að viðstöddum Kristjáni Björnssyni vígslubiskupi. Tónlistarfólk af svæðinu flytur tónlistaratriði.

14:40 – Gengið að minnisvarðanum. Viðbragðsaðilar verða í broddi fylkingar og lagður verður blómasveigur og kerti við minnisvarðann.

15:15 – Minningarathöfn í félagsheimili Patreksfjarðar. Til máls taka:

  • Úlfar Thoroddsen, fyrrverandi sveitarstjóri Patreksfjarðarhrepps.
  • Þórdís Sif Sigurðardóttir, bæjarstjóri Vesturbyggðar.
  • Guðni Th. Jóhannesson, forseti Íslands.

Að lokinni dagskrá býður slysavarnardeildin Unnur upp á kaffi og veitingar.

Vesturbyggð

Mest lesið


Fleiri fréttir

Sjá meira


×

Mest lesið