Stífla veldur hækkandi vatns­hæð í Norður­á

Frá þessu segir í tilkynningu frá Veðurstofunni. Þar kemur fram að stífla hafi myndast við Brekku sem gæti valdið staðbundnum flóðum. 

„Vatnshæð hefur einnig hækkað í fleiri ám á landinu eftir rigningar síðasta sólahring. Enn eru margar ár á landinu að miklu leyti ísilagðar þrátt fyrir leysingar í síðustu viku og því gætu staðbundin flóð orðið.

Í nótt er kólnandi veður, hitastig verður um frostmark seinnipartinn og úrkoma sem fellur verður að mestu á formi élja. Veðurstofan fylgist vel með breytingum og er í sambandi við viðbragðsaðila,“ segir í tilkynningunni frá Veðurstofunni.