Ágæt veiði við Hraun í Ölfusi Karl Lúðvíksson skrifar 3. maí 2023 07:34 Það hefur ekki mikið verið að frétt af vorveiði síðustu daga enda kuldinn dregið úr bæði tökugleði og vilja veiðimanna til að fara út. Þrátt fyrir kulda eru alltaf einhver svæði sem geta gefið sama hvað og eitt af þeim er Hraun í Ölfusi en það er svæðið ofan við Ölfusárbrú að vestanverðu. Þarna er yfirleitt hægt að gera fína veiði þegar það er fiskur á svæðinu enda er sjóbirtingurinn sem þvælist þarna inn og út um ósinn í ætisleit og oft tökuglaður eftir því. Það veiðist á allt leyfilegt agn en sífellt fleiri fluguveiðimenn eru farnir að kasta flugu og veiða oft bara ágætlega. Það hefur verið að gefa best að veiða á bjartar straumflugur og með sökktaum. Mikilvægt er að leyfa flugunni að koma svo til alveg upp í land því sjóbirtingurinn getur tekið hana á mjög grunni vatni. Þarna gætir flóðs og fjöru svo besti tíminn er í aðfallinu og að liggjandanum. Þetta er þess vegna frábært svæði fyrir 4-5 tíma stopp enda stutt frá höfuðborgarsvæðinu, veiðileyfin ekki dýr og veiðivon góð. Það þarf samt að minna veiðimenn á að keyra ekki niður á sandinn því það er mjög auðvelt að festa sig. Stangveiði Mest lesið Skemmtileg og fræðandi veiðibók Veiði Skagaheiðin farin að gefa vel Veiði Veiðimenn óhressir með hækkun í Veiðivötnum Veiði Veiði hefst í Veiðivötnum 18.júní Veiði Lax eða sjóbirtingur? Veiði Mokveiði í heiðarvötnunum Veiði Umgengni við suma veiðistaði afleit Veiði Veiddi 34 punda lax við Tannastaði Veiði 883 urriðar á land í Litla Sjó á einni viku Veiði 7 komnir á land á fyrstu vakt í Laxá í Kjós Veiði
Þrátt fyrir kulda eru alltaf einhver svæði sem geta gefið sama hvað og eitt af þeim er Hraun í Ölfusi en það er svæðið ofan við Ölfusárbrú að vestanverðu. Þarna er yfirleitt hægt að gera fína veiði þegar það er fiskur á svæðinu enda er sjóbirtingurinn sem þvælist þarna inn og út um ósinn í ætisleit og oft tökuglaður eftir því. Það veiðist á allt leyfilegt agn en sífellt fleiri fluguveiðimenn eru farnir að kasta flugu og veiða oft bara ágætlega. Það hefur verið að gefa best að veiða á bjartar straumflugur og með sökktaum. Mikilvægt er að leyfa flugunni að koma svo til alveg upp í land því sjóbirtingurinn getur tekið hana á mjög grunni vatni. Þarna gætir flóðs og fjöru svo besti tíminn er í aðfallinu og að liggjandanum. Þetta er þess vegna frábært svæði fyrir 4-5 tíma stopp enda stutt frá höfuðborgarsvæðinu, veiðileyfin ekki dýr og veiðivon góð. Það þarf samt að minna veiðimenn á að keyra ekki niður á sandinn því það er mjög auðvelt að festa sig.
Stangveiði Mest lesið Skemmtileg og fræðandi veiðibók Veiði Skagaheiðin farin að gefa vel Veiði Veiðimenn óhressir með hækkun í Veiðivötnum Veiði Veiði hefst í Veiðivötnum 18.júní Veiði Lax eða sjóbirtingur? Veiði Mokveiði í heiðarvötnunum Veiði Umgengni við suma veiðistaði afleit Veiði Veiddi 34 punda lax við Tannastaði Veiði 883 urriðar á land í Litla Sjó á einni viku Veiði 7 komnir á land á fyrstu vakt í Laxá í Kjós Veiði