Arsenal að ganga frá nýjum samningum við lykil­leik­menn

The At­hletic greinir frá því í dag að Aaron Rams­da­le, aðal­mar­k­vörður Arsenal, sé við það að skrifa undir nýjan lang­tíma­samning við fé­lagið.

Rams­da­le, sem gekk í raðir Arsenal sumarið 2021, hefur staðið sig frá­bær­lega hjá fé­laginu og vilja for­ráða­menn þess verð­launa hann með nýjum samningi.

Nú­gildandi samningur Rams­da­le við Arsenal gildir til ársins 2026 og felur í sér á­kvæði þess efnis að hægt sé að fram­lengja hann enn frekar. For­ráða­menn Arsenal vilja hins vegar frekar veita Ramda­le nýjan samning.

Þá hefur stjörnu­leik­maður Arsenal, hinn 21 árs gamli Buka­yo Saka, einnig sam­þykkt að skrifa undir nýjan samning hjá fé­laginu.

Saka hefur verið besti leik­maður Arsenal undan­farin ár og voru farnar að berast sögu­sagnir þess efni að önnur lið væru farin að horfa hýrum augum til hans.

Leik­maðurinn hefur hins vegar á­kveðið að semja að nýju við upp­eldis­fé­lag sitt en nú­gildandi samningur hans við fé­lagið á að renna út á næsta ári.

Þá samdi brasilíski sóknar­maðurinn Gabriel Martinelli, sem leikið hefur lykil­hlut­verk í liði Arsenal á yfir­standandi tíma­bili, að nýju við fé­lagið fyrr á árinu.

Nýji samningur Martinelli rennur út árið 2028 en þessi 21 árs gamli leik­maður hefur leikið 129 leiki fyrir aðal­lið Arsenal, skorað 33 mörk og gefið 19 stoð­sendingar.

Arsenal eru sem stendur í 2. sæti ensku úr­vals­deildarinnar, einu stigi á eftir topp­liði Manchester City sem á einnig leik til góða á Skytturnar. Arsenal á eftir að leika þrjá leiki í ensku úr­vals­deildinni á yfir­standandi tíma­bili. Manchester City fjóra.