Hreinsunardagur í Elliðaánum á laugardaginn

Núna er komin dagsetning á þennan árlega viðburð og fer það þannig fram að hist verður við veiðihúsið næstkomandi laugardag klukkan 13:00 þar sem skipst verður á verkum. Það hefur verið ótrúlegt að sjá hvað kemur upp úr ánni á hverju ári við þessa hreinsun en þar má nefna reiðhjól, dekk, sólbekki og annað tilfallandi rusl sem að sjálfsögðu á ekkert erindi í ánni. Árnefndin vonast til að sjá sem felsta og minnir alla sem ætla að mæta að koma í vöðlum og með vinnuhanska. Ekki er hægt að keyra að veiðihúsinu en bílastæði eru tildæmis við bakkann hinum megin Elliðaánna sem og við stæðið þar sem veiðimenn leggja þegar Breiðan og Sjávarfoss er veiddur.