Stígandi í veiðinni í Jöklu

Hún er oft ekki fljót af stað en það virðist samt vera þannig í sumar að hún fer bæði fyrr og betur af stað en venjulega. Mest af þeim laxi sem er veiðast núna er vænn tveggja ára lax og í þeim frábæru vatnsskilyrðum sem eru í ánni núna er laxinn fljótur upp á dal. Þar er að finna marga magnaða veiðistaði en það verður samt ekkert tekið frá þeimskemmtilegasta í ánni, Hólaflúð, að þó það sé gaman að kasta flugu á breiðurnar ofar í dalnum er þessi staður einn sá magnaðasti í ánni. Hann er yfirleitt einn sá gjöfulasti líka og fyrir veiðimenn og veiðikonur sem eru að fara í Jöklu í sumar þá er algjör skylda að renna "hitch" yfir þennan veiðistað.

Þess má líka geta að bónusinn á svæðinu er klárlega ósinn við Fögruhlíðará en þar hefur sjóbleikjuveiðin í sumar verið frábær og það er mikið af 2-4 punda sjóbleikju í ósnum á aðfallinu. Þeir sem þekkja þetta svæði hvað best segja að ef aðfallið hittir á miðnætti eða þar um bil getur veiðin verið mögnuð.