Góðar laxagöngur í Langá á Mýrum Karl Lúðvíksson skrifar 5. júlí 2023 08:24 Fossinn Skuggi í Langá Það er greinilegt að stórstreymið er að skila góðum göngum í árnar á Vesturlandi og það sést bæði á veiðitölum og auðvitað á ánni sjálfri. Það eru ekki margar árnar með jafn góðar aðstæður til að sýna veiðimönnum þegar það kemur stór ganga inn í þær eins og Langá á Mýrum. Stutt frá ósnum er fossinn Skuggi og vestan megin í honum er laxastigi sem flestir myndu ætla að laxinn nýtti sér á leið sinni upp ána. Það er ekki alltaf þannig. Þegar Langá er í góðu gönguvatni er talið að allt að helmingur göngunnar ef ekki meira fari upp fossinn sjálfan. Teljarinn í ánni gefur því ekki svo glögga mynd af því hversu stór gangan er í raun þó vissulega gefi hann einhverja mynd af því. Holl sem var við veiðar í Langá um helgina varð vitni að því þegar stór ganga kom í ána og það var magnað sjónarspil eins og sjá má á myndbandi sem var tekið við Skugga á þeim tíma. Myndbandið getur þú skoðað HÉR. Þarna sést vel hvað það er mikið af laxi sem gerir atlögu við fossinn og þó að það taki nokkrar tilraunir er fossinn ekkert alvarleg hindrun ef það er gott gönguvatn í ánni. Þetta rýmar ágætlega við það sem virðist vera að gerast á vesturlandi en laxagöngur hafa verið með besta móti og það sést til dæmis á teljurunum í Elliðaánum og Korpu þar sem metfjöldi hefur verið að ganga í þær báðar. Stangveiði Borgarbyggð Mest lesið 100 fiskar á land fyrsta daginn Veiði 23 laxar í fyrsta hollinu í Miðfjarðará Veiði Netaveiðin í Hvítá/Ölfusá: Lögboðinni nýtingaráætlun aldrei skilað Veiði Bender þeysist um sveitir landsins Veiði Loksins að lifna yfir Hraunsfirði Veiði Ytri Rangá komin yfir 3.000 laxa Veiði Svæði IV í Stóru Laxá komið í gang Veiði Ágætis gangur í Straumunum Veiði Þar liggja drekarnir í djúpinu Veiði Framboð til stjórnar SVFR Veiði
Það eru ekki margar árnar með jafn góðar aðstæður til að sýna veiðimönnum þegar það kemur stór ganga inn í þær eins og Langá á Mýrum. Stutt frá ósnum er fossinn Skuggi og vestan megin í honum er laxastigi sem flestir myndu ætla að laxinn nýtti sér á leið sinni upp ána. Það er ekki alltaf þannig. Þegar Langá er í góðu gönguvatni er talið að allt að helmingur göngunnar ef ekki meira fari upp fossinn sjálfan. Teljarinn í ánni gefur því ekki svo glögga mynd af því hversu stór gangan er í raun þó vissulega gefi hann einhverja mynd af því. Holl sem var við veiðar í Langá um helgina varð vitni að því þegar stór ganga kom í ána og það var magnað sjónarspil eins og sjá má á myndbandi sem var tekið við Skugga á þeim tíma. Myndbandið getur þú skoðað HÉR. Þarna sést vel hvað það er mikið af laxi sem gerir atlögu við fossinn og þó að það taki nokkrar tilraunir er fossinn ekkert alvarleg hindrun ef það er gott gönguvatn í ánni. Þetta rýmar ágætlega við það sem virðist vera að gerast á vesturlandi en laxagöngur hafa verið með besta móti og það sést til dæmis á teljurunum í Elliðaánum og Korpu þar sem metfjöldi hefur verið að ganga í þær báðar.
Stangveiði Borgarbyggð Mest lesið 100 fiskar á land fyrsta daginn Veiði 23 laxar í fyrsta hollinu í Miðfjarðará Veiði Netaveiðin í Hvítá/Ölfusá: Lögboðinni nýtingaráætlun aldrei skilað Veiði Bender þeysist um sveitir landsins Veiði Loksins að lifna yfir Hraunsfirði Veiði Ytri Rangá komin yfir 3.000 laxa Veiði Svæði IV í Stóru Laxá komið í gang Veiði Ágætis gangur í Straumunum Veiði Þar liggja drekarnir í djúpinu Veiði Framboð til stjórnar SVFR Veiði