Lúsugur lax 82 km frá sjó

Almennt er talið að lúsin sé á laxinum í einn til tvo daga áður eftir að hann gengur úr sjó og það er málið þá hefur laxinn á meðfylgjandi mynd sem veiddist í Jöklu í gær verið ansi snöggur upp ána. Jökla er ekki lítið vatnsfall og það eru nokkrar hressilegar flúðir og fyrirstöður á leiðinni. Þessi lax veiddist í Tregluhyl í Jöklu sem er ekki í frásögur færandi nema hvað að þessi veiðistaður er 82 km frá sjó! Laxinn var lúsugur og hefur því tekið þessa 82 klílómetra ansi rösklega. Þekkt dæmi eru að veiðimenn til dæmis í Laxá í Kjós fái lúsuga laxa laxa á efstu svæðunum, í Stóru Laxá veiðast oft lúsugir laxar á efra svæðinu en sú vegalengd frá sjó er líklega um 70-80 km svo þessi lax í Jöklu er kannski ekki einsdæmi en sýnir hvað þetta er magnað dýr.