Ekki þverfótað fyrir fólki sem fagnaði fjölbreytileikanum

Gangan hófst við Hallgrímskirkju og endaði við Hljómskálagarð á útitónleikum. Helena Rós fréttamaður okkar lýsti stemningunni þannig í útvarpsfréttum þannig að ekki væri þverfótað fyrir fólki í miðborginni. 

„Það er óhætt að segja að allir séu í góðu skapi enda ótrúlega gott veður. Vagnarnir litríkir og þeim fylgdi mikill hávaði. Þegar Páll Óskar mætti á svæðið lá við að hljóðhimnurnar myndu springa,“ sagði Helena Rós.

Pallavagninn stóð fyrir sínu.

„Velkomin til Íslands, Venesúela. Það er nóg pláss fyrir öll blómin í þessum garði,“ sagði Páll Óskar áður en hann setti á næsta slagara.

Eftirfarandi myndir eru frá göngunni í dag.