Kudus: Líður eins og hluti af fjölskyldunni

Kudus skoraði sitt fyrsta mark fyrir West Ham í 3-1 sigri liðsins á Backa Topola í Evrópudeildinni í gærkvöldi en hann var brattur í viðtali eftir leik.

„Við viljum byrja leikinn af miklum krafti alveg frá fyrstu mínútu alveg eins og stjórinn segir og við gerðum það í kvöld,“ byrjaði Kudus að segja.

„Ég var ánægður með mína frammistöðu í leiknum og ég var ánægður að skora mitt fyrsta mark en auðvitað er það sigurinn sem skiptir mestu máli. Ég er búinn að vera hér í nokkrar vikur og mér líður strax eins og ég sé hluti af fjölskyldunni sem er frábært.“

„Ég kom hingað til þess að hjálpa West Ham að ná sínum markmiðum og ég mun halda áfram að gera það,“ endaði Mohammed Kudus á að segja.