Ljósleiðaradeildin í beinni: Meistararnir enn í leit að sínum fyrsta sigri

Hjörtur Leó Guðjónsson skrifar 28. september 2023 19:16

Þriðju umferð Ljósleiðaradeildarinnar lýkur í kvöld. Þrír leikir eru á dagskrá en stigataflan er afar jöfn enn sem komið er. Keppt verður í CS:GO í kvöld þrátt fyrir að CS2 sé kominn út.

Kl. 19:30 mætast ÍA og FH í fyrsta leik kvöldsins. FH getur tryggt sér áfram fullt hús stiga og jafnað NOCCO Dusty á toppi deilarinnar, en ÍA mun berjast þar um sinn annan sigur á tímabilinu.

Kl. 20:30 mætast Atlantic og Þór, en Stórmeistararnir í Atlantic eru enn án sigurs. Þórsarar hafa unnið eina viðureign á tímabilinu og munu þurfa að halda sér öllum við til að framlengja taphrinu Atlantic.

Að lokum mætast Ármann og ÍBV kl. 21:30. Ármann er á toppi miðjuslagsins með flestar lotur í lotumismun en geta komið sér upp í 3. sæti með sigri. ÍBV eru þó enn stigalausir á botni töflunnar og munu vilja breyta því sem fyrst.

Fylgjast má með leikjunum í beinni útsendingu á Stöð 2 Esports eða í spilaranum hér að neðan kl. 19:30.

Rafíþróttir Ljósleiðaradeildin