Hvetur fólk til að horfa til himins annað kvöld

„Sem lítur þá út eins og tekinn hafi verið lítill biti út úr henni á suður­hlutanum,“ segir Sæ­var Helgi í færslu á vef sínum.

„Deildar­myrkvinn hefst kl. 19:35. Þá sést hvernig syðsti hluti tunglsins byrjar að skyggjast. Myrkvinn nær há­marki fjöru­tíu mínútum síðar eða klukkan 20:14 þegar 6% af tungl­skífunni er myrkvuð. Deildar­myrkvinn er svo yfir­staðinn klukkan 20:53. Þá skín fullt tunglið skært á himni.“

Ekki mun þurfa neinn hlífðar­búnað eða hjálpar­tæki til að sjá myrkvann. Þrátt fyrir að það eina sem þurfi sé að horfa til himins bendir Sæ­var á að það geti verið gaman að nota sjón­auka til að fylgjast með skugganum færast yfir.

„Við hlið tunglsins skín Júpíter mjög skært. Með sjón­auka má sjá fjögur tungl í kringum hann,“ segir Sæ­var Helgi.

„Þá eru líka á­gætar líkur á fínum norður­ljósum um helgina, lík­legast á sunnu­dag og á mánu­dag. Yfir Jörðina er nefni­lega að dembast hrað­fleygur sól­vindur úr opi í kórónu sólar, svo­kallaðri kórónu­geil, sem snýr að Jörðinni. Þegar hrað­fleygur sól­vindur skellur á Jörðinni sjást jafnan björt og kvik norður­ljós.“