Þau eru tilnefnd sem maður ársins 2023 Boði Logason skrifar 15. desember 2023 14:11 Efri röð frá vinstri: Bjartmar Leósson, Sema Erla Serdaraoglu, Kristján Loftsson, Sandra Ósk Jóhannsdóttir, Otti Rafn Sigmarsson. Neðri röð frá vinstri: Fannar Jónasson, Frosti Logason, Edda Björk Arnardóttir, Laufey Lín og Gunnar Ingi Valgeirsson Vísir Vísir og Reykjavík síðdegis standa fyrir vali á manni ársins 2023 og geta lesendur nú tekið þátt í að velja þá manneskju sem þeim þykir eiga nafnbótina skilið. Rúmlega þrjú þúsund og sjö hundruð tilnefndu á Vísi og nokkur fjöldi til viðbótar í símatíma Reykjavík síðdegis. Útvarpsmenn í Reykjavík síðdegis og blaðamenn Vísis fóru yfir tilnefningarnar og rökstuðninginn sem þeim fylgdi. Nú er búið að yfirfæra þær og ljóst hvaða tíu berjast um titilinn. Að neðan má sjá nöfn þeirra sem tilnefnd eru, í stafrófsröð, ásamt dæmi um ummæli sem fylgdu tilnefningum lesenda Vísis um sitt fólk. Neðst má svo greiða atkvæði og stendur kosningin til hádegis þann 28. desember. Tilkynnt verður um valið í þættinum Reykjavík árdegis á Bylgjunni á gamlársdag. Þátturinn hefst klukkan níu. Haraldur Ingi Þorleifsson var útnefndur maður ársins í kjörinu í fyrra. Rétt er að taka fram að fréttastofa Stöðar 2, Vísis og Bylgjunnar velur einnig mann ársins og verður tilkynnt um valið í Kryddsíld á Stöð 2 klukkan 14 á gamlársdag. Bjartmar Leósson sem hefur hlotið viðurnefnið hjólahvíslarinn hefur undanfarin ár aðstoðað fjölmarga Íslendinga við að finna stolin hjól, bifreiðar og önnur verðmæti. Þetta hefur hann gert í frítíma sínum og í sjálfboðavinnu. Maðurinn er óþreytandi í að leita uppi stolin hjól og önnur verðmæti og hefur hjálpað þjófum að snúa á rétta braut. Edda Björk Arnardóttir hefur verið áberandi í umræðunni og fréttaflutningi á árinu sem er að líða vegna deilu hennar við barnsföður sinn. Hún var framseld til Noregs fyrir skemmstu og situr í gæsluvarðhaldi. Edda hlaut fjölmargar tilnefningar fyrir það að berjast fyrir börnum sínum. Fyrir að hafa hugrekki til að vaða eld og brennistein fyrir börnin sín í vonlausum aðstæðum. Fannar Jónasson bæjarstjóri Grindavíkur hefur verið andlit Grindvíkinga útávið og sýnt mikla yfirvegun á þeim óvissutímum sem ríkt hafa vegna jarðhræringa á Reykjanesinu. Bæjarbúar hafa átt um sárt að binda og var bærinn rýmdur þann 11. nóvember síðastliðinn. Fannar hefur staðið sig svo ótrúlega í náttúruhamförum í Grindavík og nágrenni, staðið heill með sínu samfélagi og íbúum þess. Frosti Logason fjölmiðlamaður stofnaði fjölmiðlaveituna Brotkast á árinu og hefur vakið athygli fyrir að tala hispurslaust um hin ýmsu málefni. Frosti tók á krefjandi málum sem aðrir þorðu ekki, sýndi fordæmi og fjallaði um mikilvæg málefni. Gunnar Ingi Valgeirsson hefur á árinu vakið athygli á stöðu biðlista í fíknimeðferð. Hann heldur úti viðtalsþáttunum „Lífið á biðlista“ þar sem hann ræðir við einstaklinga með fíknisjúkdóma. Gunnar Ingi var einn af stofnendum Samtaka aðstandenda og fíknisjúkra í nóvember. Hann hefur gert ótrúlega hluti fyrir einstaklinga í neyslu og aðstandendur þeirra. Vitundavakningin sem hann er að opna augu þjóðarinnar fyrir er mikilvæg og dauðans alvara. Kristján Loftsson forstjóri og stærsti eigandi Hvals hf. hefur staðið í ströngu á árinu og barist fyrir réttinum til að stunda hvalveiðar en Svandís Svavarsdóttir matvælaráðherra bannaði hvalveiðar tímabundið í sumar rétt áður en veiðitímabilið átti að hefjast. Fyrir að skapa atvinnu og berjast fyrir að geta stundað sjálfbæra nýtingu á auðlindum hafsins og fyrir að gefast aldrei upp þó blási harkalega á móti. Laufey Lín Jónsdóttir tónlistarkona hefur skotist hratt upp á stjörnuhimininn og seljast miðar á tónleika með henni eins og heitar lummur. Hún hefur komið fram víða um heim og í nóvember hlaut hún tilnefningu til Grammy verðlaunanna fyrir plötu sína Bewitched. Hún er á góðri leið með að verða frægasti íslenski tónlistarmaður dagsins í dag, hefur staðið sig frábærlega vel, vakið mikla athygli á heimsvísu en tæklað allt saman af aðdáunarverðri hógværð og yfirvegun. Otti Rafn Sigmarsson gegndi formennsku hjá Slysavarnarfélaginu Landsbjörg þar til í nóvember. Otti, sem er Grindvíkingur, stóð vaktina í heimabænum ásamt félögum sínum í Björgunarsveitinni Þorbirni þegar bærinn var rýmdur. Hann ákvað að stíga tímabundið til hliðar sem formaður Landsbjargar til þess að einbeita sér að fjölskyldu sinni og þeim verkefnum sem blasa við Grindvíkingum. Hann hefur verið fremstur í fararbroddi í björgunaraðgerðum í Grindavík. Hann leggur líf og sál í það sem hann tekur sér fyrir hendur og er sannur í öllu sem hann gerir. Sandra Ósk Jóhannsdóttir sjálfboðaliði hjá Dýrfinnu hefur varið miklum tíma við að leita uppi týnd gæludýr. Sandra, ásamt öðrum sjálfboðaliðum Dýrfinnu, unnu hörðum höndum að því að bjarga fjölda dýra úr Grindavík eftir rýmingu bæjarins. Fyrir dugnaðinn að hjálpa dýrum, og dýrum í Grindavík þegar þau voru ekki talin sem nauðsynjar af yfirvöldum. Sema Erla Serdaroglu stofnandi og forseti hjálparsamtakanna Solaris hefur verið ötul í baráttu sinni fyrir réttindum flóttafólks og hælisleitenda hér á landi. Gerðar voru breytingar á útlendingalögunum á árinu og fór Sema fremst í baráttu fólks sem senda átti úr landi. Hún berst fyrir mannréttindum og mannúð og fær að launum hatur og niðurlægingu, en heldur ótrauð áfram. Kosningunni er nú lokið, tilkynnt verður um valið í Reykjavík síðdegis á gamlársdag. Fréttir ársins 2023 Reykjavík síðdegis Bylgjan Mest lesið Sænsk glæpagengi sendi fólk til Íslands Innlent Sæðisgjafar tilkynni það fjölskyldu sinni svo ekki verði „slys“ Innlent Með banvænan sjúkdóm í stöðugri baráttu við Kópavogsbæ Innlent Lögreglumenn í veikindaleyfi vegna þungra mála Innlent Diddy á sjálfsmorðsvakt Erlent Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent Fjölskylda flugmanns Icelandair vill að lögregla rannsaki andlát hans Innlent Konur og börn meðal látinna þegar Hezbollah-leiðtoga var ráðinn bani Erlent Eiginmaður íslenskrar konu lét sig hverfa rétt eftir brúðkaupið Innlent Mikill reykur eftir að gleymdist að slökkva á kerti Innlent Fleiri fréttir Sænsk glæpagengi sendi fólk til Íslands Sæðisgjafar tilkynni það fjölskyldu sinni svo ekki verði „slys“ Lögreglumenn í veikindaleyfi vegna þungra mála Með banvænan sjúkdóm í stöðugri baráttu við Kópavogsbæ Mikill reykur eftir að gleymdist að slökkva á kerti Bið eftir NPA-þjónustu og eftirspurn eftir sæðisgjöfum Arnar Þór á leið í nýjan flokk Anton Sveinn McKee til liðs við Miðflokkinn „Spurðu svo fyrirtækið þitt af hverju það leggur fé í heimsendakölt“ Ekkert sem bendir til þess að sakborningum fjölgi Lífræni dagurinn er í dag Bein útsending: Heilabilun rædd á Alzheimerdegi Ekkert bendi til að sakborningum muni fjölga Telur fleiri falla á nýju bílprófi Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Sjá meira
Rúmlega þrjú þúsund og sjö hundruð tilnefndu á Vísi og nokkur fjöldi til viðbótar í símatíma Reykjavík síðdegis. Útvarpsmenn í Reykjavík síðdegis og blaðamenn Vísis fóru yfir tilnefningarnar og rökstuðninginn sem þeim fylgdi. Nú er búið að yfirfæra þær og ljóst hvaða tíu berjast um titilinn. Að neðan má sjá nöfn þeirra sem tilnefnd eru, í stafrófsröð, ásamt dæmi um ummæli sem fylgdu tilnefningum lesenda Vísis um sitt fólk. Neðst má svo greiða atkvæði og stendur kosningin til hádegis þann 28. desember. Tilkynnt verður um valið í þættinum Reykjavík árdegis á Bylgjunni á gamlársdag. Þátturinn hefst klukkan níu. Haraldur Ingi Þorleifsson var útnefndur maður ársins í kjörinu í fyrra. Rétt er að taka fram að fréttastofa Stöðar 2, Vísis og Bylgjunnar velur einnig mann ársins og verður tilkynnt um valið í Kryddsíld á Stöð 2 klukkan 14 á gamlársdag. Bjartmar Leósson sem hefur hlotið viðurnefnið hjólahvíslarinn hefur undanfarin ár aðstoðað fjölmarga Íslendinga við að finna stolin hjól, bifreiðar og önnur verðmæti. Þetta hefur hann gert í frítíma sínum og í sjálfboðavinnu. Maðurinn er óþreytandi í að leita uppi stolin hjól og önnur verðmæti og hefur hjálpað þjófum að snúa á rétta braut. Edda Björk Arnardóttir hefur verið áberandi í umræðunni og fréttaflutningi á árinu sem er að líða vegna deilu hennar við barnsföður sinn. Hún var framseld til Noregs fyrir skemmstu og situr í gæsluvarðhaldi. Edda hlaut fjölmargar tilnefningar fyrir það að berjast fyrir börnum sínum. Fyrir að hafa hugrekki til að vaða eld og brennistein fyrir börnin sín í vonlausum aðstæðum. Fannar Jónasson bæjarstjóri Grindavíkur hefur verið andlit Grindvíkinga útávið og sýnt mikla yfirvegun á þeim óvissutímum sem ríkt hafa vegna jarðhræringa á Reykjanesinu. Bæjarbúar hafa átt um sárt að binda og var bærinn rýmdur þann 11. nóvember síðastliðinn. Fannar hefur staðið sig svo ótrúlega í náttúruhamförum í Grindavík og nágrenni, staðið heill með sínu samfélagi og íbúum þess. Frosti Logason fjölmiðlamaður stofnaði fjölmiðlaveituna Brotkast á árinu og hefur vakið athygli fyrir að tala hispurslaust um hin ýmsu málefni. Frosti tók á krefjandi málum sem aðrir þorðu ekki, sýndi fordæmi og fjallaði um mikilvæg málefni. Gunnar Ingi Valgeirsson hefur á árinu vakið athygli á stöðu biðlista í fíknimeðferð. Hann heldur úti viðtalsþáttunum „Lífið á biðlista“ þar sem hann ræðir við einstaklinga með fíknisjúkdóma. Gunnar Ingi var einn af stofnendum Samtaka aðstandenda og fíknisjúkra í nóvember. Hann hefur gert ótrúlega hluti fyrir einstaklinga í neyslu og aðstandendur þeirra. Vitundavakningin sem hann er að opna augu þjóðarinnar fyrir er mikilvæg og dauðans alvara. Kristján Loftsson forstjóri og stærsti eigandi Hvals hf. hefur staðið í ströngu á árinu og barist fyrir réttinum til að stunda hvalveiðar en Svandís Svavarsdóttir matvælaráðherra bannaði hvalveiðar tímabundið í sumar rétt áður en veiðitímabilið átti að hefjast. Fyrir að skapa atvinnu og berjast fyrir að geta stundað sjálfbæra nýtingu á auðlindum hafsins og fyrir að gefast aldrei upp þó blási harkalega á móti. Laufey Lín Jónsdóttir tónlistarkona hefur skotist hratt upp á stjörnuhimininn og seljast miðar á tónleika með henni eins og heitar lummur. Hún hefur komið fram víða um heim og í nóvember hlaut hún tilnefningu til Grammy verðlaunanna fyrir plötu sína Bewitched. Hún er á góðri leið með að verða frægasti íslenski tónlistarmaður dagsins í dag, hefur staðið sig frábærlega vel, vakið mikla athygli á heimsvísu en tæklað allt saman af aðdáunarverðri hógværð og yfirvegun. Otti Rafn Sigmarsson gegndi formennsku hjá Slysavarnarfélaginu Landsbjörg þar til í nóvember. Otti, sem er Grindvíkingur, stóð vaktina í heimabænum ásamt félögum sínum í Björgunarsveitinni Þorbirni þegar bærinn var rýmdur. Hann ákvað að stíga tímabundið til hliðar sem formaður Landsbjargar til þess að einbeita sér að fjölskyldu sinni og þeim verkefnum sem blasa við Grindvíkingum. Hann hefur verið fremstur í fararbroddi í björgunaraðgerðum í Grindavík. Hann leggur líf og sál í það sem hann tekur sér fyrir hendur og er sannur í öllu sem hann gerir. Sandra Ósk Jóhannsdóttir sjálfboðaliði hjá Dýrfinnu hefur varið miklum tíma við að leita uppi týnd gæludýr. Sandra, ásamt öðrum sjálfboðaliðum Dýrfinnu, unnu hörðum höndum að því að bjarga fjölda dýra úr Grindavík eftir rýmingu bæjarins. Fyrir dugnaðinn að hjálpa dýrum, og dýrum í Grindavík þegar þau voru ekki talin sem nauðsynjar af yfirvöldum. Sema Erla Serdaroglu stofnandi og forseti hjálparsamtakanna Solaris hefur verið ötul í baráttu sinni fyrir réttindum flóttafólks og hælisleitenda hér á landi. Gerðar voru breytingar á útlendingalögunum á árinu og fór Sema fremst í baráttu fólks sem senda átti úr landi. Hún berst fyrir mannréttindum og mannúð og fær að launum hatur og niðurlægingu, en heldur ótrauð áfram. Kosningunni er nú lokið, tilkynnt verður um valið í Reykjavík síðdegis á gamlársdag.
Fréttir ársins 2023 Reykjavík síðdegis Bylgjan Mest lesið Sænsk glæpagengi sendi fólk til Íslands Innlent Sæðisgjafar tilkynni það fjölskyldu sinni svo ekki verði „slys“ Innlent Með banvænan sjúkdóm í stöðugri baráttu við Kópavogsbæ Innlent Lögreglumenn í veikindaleyfi vegna þungra mála Innlent Diddy á sjálfsmorðsvakt Erlent Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent Fjölskylda flugmanns Icelandair vill að lögregla rannsaki andlát hans Innlent Konur og börn meðal látinna þegar Hezbollah-leiðtoga var ráðinn bani Erlent Eiginmaður íslenskrar konu lét sig hverfa rétt eftir brúðkaupið Innlent Mikill reykur eftir að gleymdist að slökkva á kerti Innlent Fleiri fréttir Sænsk glæpagengi sendi fólk til Íslands Sæðisgjafar tilkynni það fjölskyldu sinni svo ekki verði „slys“ Lögreglumenn í veikindaleyfi vegna þungra mála Með banvænan sjúkdóm í stöðugri baráttu við Kópavogsbæ Mikill reykur eftir að gleymdist að slökkva á kerti Bið eftir NPA-þjónustu og eftirspurn eftir sæðisgjöfum Arnar Þór á leið í nýjan flokk Anton Sveinn McKee til liðs við Miðflokkinn „Spurðu svo fyrirtækið þitt af hverju það leggur fé í heimsendakölt“ Ekkert sem bendir til þess að sakborningum fjölgi Lífræni dagurinn er í dag Bein útsending: Heilabilun rædd á Alzheimerdegi Ekkert bendi til að sakborningum muni fjölga Telur fleiri falla á nýju bílprófi Maður margra storma íhugar stöðu sína Byssan reyndist leikfang Mamma bara María þegar mæðgurnar eru saman á vakt Hvers vegna að fella ísbirni? Í gæsluvarðhald vegna kókaínsendingar Bræður heiðraðir á 100 ára starfsafmæli: „Einfalt, þægilegt og engin keppni“ Drengnum hafi ekki verið trúað í fyrstu Myndgreiningarkerfi geti hjálpað til við að stoppa af óprúttna aðila Framboð Baldurs þurfti að endurgreiða styrki sem fóru yfir hámark Fjölskylda flugmanns Icelandair vill að lögregla rannsaki andlát hans Áfram í varðhaldi fyrir að ræna og hóta ungmennum Fjölskylda flugmanns vill að lögregla rannsaki andlát hans Sýndi lögreglu löngutöng og var ekinn út af Svanhildur afhenti Biden trúnaðarbréf Loka almenningsbókasafninu og leita til Akureyrar Búið að taka sýni úr ungu birnunni Sjá meira
Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent
Fjölmiðlafólki vísað úr salnum við myndbirtingu: „Þetta er ósæmilegt og átakanlegt myndefni“ Erlent