Myndaveisla: Grafarvogsbúar með kennslu­stund í að skemmta sér

Gestir mættu ýmist í litskrúðugum fötum í anda tímabilsins eða prúðbúnir í sparifötum.

Tónlistarkonan Regína Ósk Óskarsdóttir stýrði kvöldinu ásamt hljómsveitinni Nýju fötin keisarans. Fjöldi listamanna steig á stokk og héldu uppi stuðinu fram eftir kvöldi. 

Tónlistarkonan Margrét Eir steig fyrst á svið og tók á móti gestum í byrjun kvölds. Eyjólfur Kristjánsson, betur þekktur sem Eyfi, sá um brekkusöng kvöldsins. Þar eftir steig Kristmundur Axel Kristmundsson á svið. 

Leynigestur kvöldsins var svo enginn annar en Herbert Guðmundsson. Auk þeirra stigu Friðrik Dór, Sigga Beinteins og Daníel Ágúst á svið. 

Í boði var alvöru þorramatur frá Múlakaffi, hákarl, brennivín. Auk þess var boðið upp á lambalæri og vegan-rétt.

Hér fyrir neðan má sjá nokkrar myndir af gestum blótsins.