Úr­slit í ís­lensku Overwatch-deildinni um helgina

Overwatch kom út árið 2016 og náði strax miklum vinsældum í rafíþróttaheimum. Blizzard, útgefandi leiksins er einn sá stærsti á markaðnum en fyrirtækið hefur framleitt leiki á borð við World of Warcraft og Diablo.

Þrátt fyrir að vinsældir leiksins hafi dvínað yfir árin hafa íslenskir spilarar haldið sér heitum í leiknum. Fyrr í mánuðinum voru spiluð úrslit í opinni deild íslensku kepninnar, sem og í fyrstu deild. Í opnu deildinni sigraði liðið Útlagar. Með sigrinum tryggði liðið sér keppnisrétt í fyrstu deildinni á komandi tímabili.

Liðið Tröll sigraði úrslit fyrstu deildar síðustu helgi og vann sér þar með rétt til að keppa í Úrvalsdeildinni á komandi tímabili.

Þann 15. mars hefjast svo úrslit Úrvalsdeildarinnar. Á föstudeginum mætast Dusty og OMON í fyrstu viðureign. Atgeirar og Selir mætast í annarri viðureign. Á laugardeginum mætast svo taplið föstudagsins í leik upp á þriðja sætið áður en spilað verður til úrslita. Metin verðlaun í keppninni eru á annað hundrað þúsund króna. Leikirnir verða sýndir á Arena og í beinni útsendingu á Twitch-rás íslenska Overwatch-samfélagsins.