Ragnar dillaði sér á Dillon og nýr ráð­herra naut lífsins í Borgar­túni

Mánudagurinn var rólyndisdagur en fréttadrottningin Birta Björnsdóttir skellti sér í sund í Sundhöll Reykjavíkur um kvöldið. Þar var líka Unnsteinn Manúel tónlistarmaður með fjölskyldunni. Á þriðjudag sást til rapparanna Emmsjé Gauta og Herra Hnetusmjörs gera vel við sig í hádeginu á Apótekinu. Ágúst Borgþór Sverrisson blaðahaukur DV skellti sér í kvöldgöngu um Ægisíðu sama kvöldið. Á meðan var sjónvarpsstjarnan Patrekur Jaime, útvarpskonan Lóa Björk og rapparinn Joey Christ í Hagkaup í Skeifunni.

Miðvikudagskvöldið var svo loksins hægt að fíra upp í grillinu. Þannig sást Tómas Lemarques leikari á skemmtistaðnum Röntgen þetta kvöld. Daginn eftir var Benedikt Bogason forseti hæstaréttar í kaffi á Systrasamlaginu. Víðir Reynisson ók svo á jeppanum um miðbæ Reykjavíkur á meðan Sonja Ýr Þorbergsdóttir formaður BSRB verslaði sér í matinn á Krónunni Granda.

Föstudaginn fóru hlutirnir loksins að gerast. Nýjasti og eftirtektarverðasti ráðherra landsins Bjarkey Olsen Gunnarsdóttir gerði vel við sig í hádeginu og skellti sér á Borg29 og fékk sér gott að borða. Þennan sama dag sást fyrrverandi utanríkisráðherra Össur Skarphéðinsson á kjaftasnakki við G. Pétur Matthíasson upplýsingafulltrúa Vegagerðarinnar á Eiðistorgi. GDRN og Máni Pétursson fengu sér kaffibolla á Te og kaffi á Suðurlandsbraut. Ágúst Bent rappari skellti sér í miðbæjarrölt og líka Jón Þór Ólason lögmaður.

Jóhanna Sigurðardóttir fyrrverandi forsætisráðherra skellti sér í leikhús á föstudagskvöldið ásamt sinni heittelskuðu rithöfundinum Jónínu Leósdóttur. Þær sáu þar Lúnu en þar voru einnig myndlistarmaðurinn Pétur Gautur og eiginkona hans landslagsarkitektinn Berglind Guðmundsdóttur ásamt syni þeirra leikaranum Starkaði Péturssyni. Þetta sama kvöld var svo gellukvöld á Auto þar sem var heljarinnar partý. Þar voru meðal annars samfélagsmiðlastjarnan Binni Glee og Söngvakeppnisdrottningin Sigga Ózk svo einhverjir séu nefndir.

Bjarni Jónsson þingmaður VG fékk sér kaldan á Kalda þetta kvöld og það gerði líka Kjartan Magnússon borgarfulltrúi Sjálfstæðisflokksins. Formaður VR Ragnar Þór Ingólfsson naut á sama tíma lífsins á Dillon þar sem hann dillaði sér við ljúfa tóna Bob Dylan koverbands. Dóra Björt Guðjónsdóttir borgarfulltrúi var þar líka. Leikkonan Donna Cruz naut lífsins á meðan í drykk á skemmtistaðnum Röntgen.

Á laugardeginum hélt lífið áfram. Sveppi skellti sér í hádegismat á mathöllinni í Pósthúsinu. Það gerði líka körfuboltakappinn Ragnar Nathanaelsson og Tryggvi Herbertsson fyrrverandi þingmaður. Laugardagskvöldið hélt Vinstrihreyfingin grænt framboð svo bingó kvöld á Stúdentakjallaranum.

Þangað mætti þingmaðurinn Orri Páll Jóhannson, kollegi hans Jódís Skúladóttir og samflokkskona þeirra Líf Magneudóttir. Sunnudaginn sást tónlistarkonan Diljá Pétursdóttir á deiti á Fjallkonunni með kærastanum og kollega sínum Ró­berti Andra Drzym­kowski.