Stuðnings­menn Katrínar á­huga­samari en aðrir

Þetta kemur fram í nýjum þjóðarpúlsi Gallup. 72 prósent þeirra sem eru sjötíu ára og eldri hafa áhuga á kosningunum en minnstan áhuga hafa þeir sem eru 30 til 39 ára, einungis 55 prósent þeirra segjast hafa áhuga. 

Íbúar á höfuðborgarsvæðinu hafa fleiri áhuga á kosningunum, 67 prósent á móti 57 prósentum á landsbyggðinni. Þeir sem eru með háskóla og framhaldsskólapróf eru líklegri til að hafa áhuga á kosningunum en þeir sem eru bara með grunnskólapróf, 68 og 64 prósent gegn 53 prósentum.

Þeir sem segjast vera stuðningsmenn Viðreisnar, Pírata og Framsóknarflokksins eru líklegri til að hafa áhuga á kosningunum. Þeir sem styðja Miðflokkinn, Samfylkinguna og Sjálfstæðisflokkinn hafa minni áhuga. 

Svarendur sem sögðust ætla að kjósa Katrínu Jakobsdóttur eru áhugasamari um kosningarnar en aðrir, 77 prósent þeirra höfðu mikinn áhuga. 67 prósent stuðningsmanna Baldurs Þórhallssonar hafa mikinn áhuga, 63 prósent stuðningsmanna Höllu Hrundar Logadóttur og 54 prósent stuðningsmanna Jóns Gnarrs.