Sorg í Nes­kaup­stað vegna and­láts barns

„Samfélagið er brotið. Það er í þungu áfalli og sorg. Hluttekningin er alls ráðandi og hugurinn hjá foreldrum, bræðum og allri fjölskyldu barnsins “ segir séra Jóna Kristín Þorvaldsdóttir, sóknarprestur í Austfjarðaprestakalli, í samtali við Austurfrétt.

Fram kemur að barnið hafi veikst skyndilega í lok síðustu viku. Það hafi verið flutt með sjúkraflugi til Akureyrar, þaðan til Reykjavíkur og þaðan til Svíþjóðar. Barnið hafi látist aðfaranótt mánudags.

„Kirkjan var troðfull og þurfti að bæta við stólum til að fólk kæmist fyrir. Það sýnir sig að þegar svona áföll verða að fólki er nauðsynlegt að koma saman, leita stuðnings hvert hjá öðru og finna samkennd, samhryggð og samstöðu,“ segir Jóna Kristín við Austurfrétt.