Veiðihundar í Laugardal grunaðir um að hafa banað ketti Lovísa Arnardóttir skrifar 23. júní 2024 11:28 Þessi mynd var tekin á vettvangi í gær. Aðsend Dýraþjónusta Reykjavíkur er nú með til skoðunar mál þriggja veiðihunda, ungverskra viszla, í Laugardal í Reykjavík. Hundarnir eru grunaðir um að hafa drepið heimiliskött á fimmtudaginn síðasta. Sömu hundar eru grunaðir um að hafa drepið tvo ketti áður. Helga Björk Heiðdal, umráðamaður kattarins, hefur einnig tilkynnt málið til Matvælastofnunar. Hún segir óskiljanlegt að hundar sem hafi drepið kött og áreitt börn í hverfinu fái að ganga lausir. „Kötturinn minn fór út seinnipart fimmtudags. Hann er alltaf mjög stutt úti og þegar ég sé að hann kemur ekki heim um kvöldið er mig farið að gruna að hann sé týndur,“ segir Helga í samtali við fréttastofu en kötturinn hennar hét Litli. Sama dag auglýsir hún eftir honum á hverfissíðunni og fær símtal nokkrum mínútum seinna frá konu sem segir henni að hún hafi séð þrjá lausa veiðihunda og einn hafi verið með dauðan kött í kjaftinum. Konan var nokkuð viss um að það hefði verið Litli. „Fólk sem átti leið hjá og bjó þarna var að reyna að stoppa þá og fæla þá í burtu. Kona sem var á bíl reyndi að stoppa þá með því að flauta en þorði ekki út því þeir voru í svo miklum ham. Síðan er hringt á lögregluna sem kemur og fjarlægir köttinn og segist ætla að hafa uppi á eigandanum,“ segir Helga. Fann köttinn í ruslatunnu á lögreglustöðinni Hún hafi þó ekkert símtal fengið frá lögreglunni og ákvað því að hringja þangað sjálf. Henni var sagt að koma niður á stöð og hafði þá uppi á Litla í ruslatunnu í portinu hjá Lögreglustöðinni í Reykjavík með aðstoð lögregluþjóns. „Þegar ég kem heim þá ákveð ég að auglýsa eftir vitnum á Facebook síðu Laugarneshverfis,“ segir Helga. Hún hafi í kjölfarið fengið ótal símtöl, skilaboð og viðbrögð frá fólki sem segir henni að þetta sé ekki í fyrsta sinn sem hundarnir hafi valdið slíkum usla. Þeir hafi áður drepið kött, ráðist á aðra hunda og eigendur þeirra. Þá hafi einhverjir séð eigendur þeirra lemja þá og séð hundana stökkva yfir girðinguna sem hafi þó verið komið upp eftir ábendingar frá Matvælastofnun, MAST. „Þá á áttaði ég mig þá á að það var eitthvað ekki í lagi þarna.“ Helga segir afar sárt að vita til þess að dýraeigendur þurfi að gjalda fyrir vanrækslu annarra dýraeigenda með því að missa dýr sín.Aðsend Helga segir að hún hafi ætlað að láta kryfja köttinn því lögreglan hafi haldið því fram að mögulega hafi verið ekið á köttinn og hann verið dauður áður en hundarnir náðu honum. „Fólk sem hefur hringt í mig sem var þarna vill halda því fram að hundurinn eða hundarnir hafi drepið hann. En eftir að hafa haft samband við dýralækni kom í ljós að það var oft seint að láta kryfja hann. Við fengum hann oft seint í hendurnar hvað það varðar,“ segir Helga. Vita ekki hvað nákvæmlega gerðist Það sé í raun ekkert vitni sem geti með vissu staðfest að hundarnir hafi drepið köttinn eða hvað gerðist nákvæmlega áður en einn þeirra er með hann í kjaftinum. „Ég talaði við konu í síma. Dóttir hennar hafði orðið vitni og sagt að þessir hundarnir hafi verið í einhvers konar veiðiham. Þeir hafi hlupuð svo hratt að kettinum að það gæti bara ekki verið að kötturinn hafi verið dauður. En í raun er það kannski orðið að ákveðnu aukaatriði í þessu máli eftir allt sem þessir hundar hafa gert öðrum.“ Kötturinn Litili um jólin.Aðsend Helga segist hafa strax tilkynnt málið til MAST en viti ekki hvort stofnunin hafi brugðist við. Í umræðum á hverfissíðu Laugarneshverfis á Facebook má sjá að íbúar hverfisins hafa verulegar áhyggjur af ástandinu. Sumir banna börnunum að ganga þarna fram hjá og aðrir eru hneykslaðir á því að eigendur fái að hafa þá áfram eftir áralanga vanrækslu. Þá er einnig í umræðum vísað í eldri frétt um málið á vef DV þar sem fjallað var um að hundarnir hefði drepið tvo ketti áður og verið til mikils ama í hverfinu. „Ég veit ekki hvar þessir hundar eru niður komnir. Hvort þeir hafi verið fjarlægðir eða hvort þeir eru enn þá í höndum eigenda sinna. Það sem er ljótast í þessu máli er hversu miklum usla og viðbjóði þessir hundar eru búnir að valda og það er ekkert búið að gera áður. Ég veit til þess að eigandinn hefur fengið áminningu frá MAST, en hversu margar þurfa þær að vera til þess að þessir hundar verði fjarlægðir?“ spyr Helga og segir afar sárt að aðrir dýraeigendur þurfi að gjalda fyrir vanrækslu annarra. „Það er ekki hægt að áfellast þessi aumingja dýr þar sem hegðun þeirra er einungis afleiðing vanrækslu eigenda sinna.“ Hættulegir hundar á ábyrgð sveitarfélags Samkvæmt samþykkt um hundahald í Reykjavík eru hættulegir hundar á ábyrgð sveitarfélagsins. Um það er fjallað í samþykktinni og að það sé á ábyrgð Dýraþjónustu Reykjavíkur að bregðast við. Dýraþjónustan getur þannig gert kröfu um, ef grunur er á að hundur sé hættulegur vegna til dæmis bits, að umráðamaður láti hundinn gangast undir skapgerðarmat sem framkvæmt á að vera af sérfróðum aðila eins og dýralækni. Litli á góðri stundu.Aðsend Ef skapgerðarmat leiðir í ljós að hundurinn telst hættulegur getur Dýraþjónustan gert kröfu um að hundurinn verði aflífaður. Verðir umráðamaður ekki við því getur heilbrigðisnefnd Reykjavíkur ákveðið að hundur undirgangist skapgerðamat og/eða verði aflífaður. Samkvæmt upplýsingum frá Evu Bergþóru Guðbergsdóttur, samskiptastjóra Reykjavíkur, er Dýraþjónusta Reykjavíkur meðvituðu um málið og er með það til skoðunar. Dýr Dýraheilbrigði Hundar Kettir Reykjavík Mest lesið „Eins og að fá hnefahögg í andlitið“ Innlent Íbúar mótmæla og vilja börn frekar en byggingu í Gunnarsbrekku Innlent Bílvelta í Kömbunum Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Hleypur 110 kílómetra á dag til að setja heimsmet Lífið Brunarústirnar fjarlægðar tveimur árum eftir brunann Innlent Segir dregið úr veiðum á grundvelli „Walt Disneylíffræði“ Innlent Eygir vonarneista í fyrsta sinn í marga mánuði Innlent Skoða að efla geðheilbrigðisþjónustu á Austurlandi eftir röð áfalla Innlent Fleiri fréttir Nýupptekið grænmeti á Flúðum í dag og opnar garðyrkjustöðvar Eygir vonarneista í fyrsta sinn í marga mánuði Eygir vonarneista í fyrsta sinn og mótmæli um allt land Segir dregið úr veiðum á grundvelli „Walt Disneylíffræði“ Árborg girnist svæði Flóahrepps Sendu kæligáma til Úkraínu Langflestir lögreglumenn á Suðurnesjum Brunarústirnar fjarlægðar tveimur árum eftir brunann Íbúar mótmæla og vilja börn frekar en byggingu í Gunnarsbrekku Reyndi að stinga lögreglu af á buggy Bílvelta í Kömbunum „Eins og að fá hnefahögg í andlitið“ Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Sjá meira
Helga Björk Heiðdal, umráðamaður kattarins, hefur einnig tilkynnt málið til Matvælastofnunar. Hún segir óskiljanlegt að hundar sem hafi drepið kött og áreitt börn í hverfinu fái að ganga lausir. „Kötturinn minn fór út seinnipart fimmtudags. Hann er alltaf mjög stutt úti og þegar ég sé að hann kemur ekki heim um kvöldið er mig farið að gruna að hann sé týndur,“ segir Helga í samtali við fréttastofu en kötturinn hennar hét Litli. Sama dag auglýsir hún eftir honum á hverfissíðunni og fær símtal nokkrum mínútum seinna frá konu sem segir henni að hún hafi séð þrjá lausa veiðihunda og einn hafi verið með dauðan kött í kjaftinum. Konan var nokkuð viss um að það hefði verið Litli. „Fólk sem átti leið hjá og bjó þarna var að reyna að stoppa þá og fæla þá í burtu. Kona sem var á bíl reyndi að stoppa þá með því að flauta en þorði ekki út því þeir voru í svo miklum ham. Síðan er hringt á lögregluna sem kemur og fjarlægir köttinn og segist ætla að hafa uppi á eigandanum,“ segir Helga. Fann köttinn í ruslatunnu á lögreglustöðinni Hún hafi þó ekkert símtal fengið frá lögreglunni og ákvað því að hringja þangað sjálf. Henni var sagt að koma niður á stöð og hafði þá uppi á Litla í ruslatunnu í portinu hjá Lögreglustöðinni í Reykjavík með aðstoð lögregluþjóns. „Þegar ég kem heim þá ákveð ég að auglýsa eftir vitnum á Facebook síðu Laugarneshverfis,“ segir Helga. Hún hafi í kjölfarið fengið ótal símtöl, skilaboð og viðbrögð frá fólki sem segir henni að þetta sé ekki í fyrsta sinn sem hundarnir hafi valdið slíkum usla. Þeir hafi áður drepið kött, ráðist á aðra hunda og eigendur þeirra. Þá hafi einhverjir séð eigendur þeirra lemja þá og séð hundana stökkva yfir girðinguna sem hafi þó verið komið upp eftir ábendingar frá Matvælastofnun, MAST. „Þá á áttaði ég mig þá á að það var eitthvað ekki í lagi þarna.“ Helga segir afar sárt að vita til þess að dýraeigendur þurfi að gjalda fyrir vanrækslu annarra dýraeigenda með því að missa dýr sín.Aðsend Helga segir að hún hafi ætlað að láta kryfja köttinn því lögreglan hafi haldið því fram að mögulega hafi verið ekið á köttinn og hann verið dauður áður en hundarnir náðu honum. „Fólk sem hefur hringt í mig sem var þarna vill halda því fram að hundurinn eða hundarnir hafi drepið hann. En eftir að hafa haft samband við dýralækni kom í ljós að það var oft seint að láta kryfja hann. Við fengum hann oft seint í hendurnar hvað það varðar,“ segir Helga. Vita ekki hvað nákvæmlega gerðist Það sé í raun ekkert vitni sem geti með vissu staðfest að hundarnir hafi drepið köttinn eða hvað gerðist nákvæmlega áður en einn þeirra er með hann í kjaftinum. „Ég talaði við konu í síma. Dóttir hennar hafði orðið vitni og sagt að þessir hundarnir hafi verið í einhvers konar veiðiham. Þeir hafi hlupuð svo hratt að kettinum að það gæti bara ekki verið að kötturinn hafi verið dauður. En í raun er það kannski orðið að ákveðnu aukaatriði í þessu máli eftir allt sem þessir hundar hafa gert öðrum.“ Kötturinn Litili um jólin.Aðsend Helga segist hafa strax tilkynnt málið til MAST en viti ekki hvort stofnunin hafi brugðist við. Í umræðum á hverfissíðu Laugarneshverfis á Facebook má sjá að íbúar hverfisins hafa verulegar áhyggjur af ástandinu. Sumir banna börnunum að ganga þarna fram hjá og aðrir eru hneykslaðir á því að eigendur fái að hafa þá áfram eftir áralanga vanrækslu. Þá er einnig í umræðum vísað í eldri frétt um málið á vef DV þar sem fjallað var um að hundarnir hefði drepið tvo ketti áður og verið til mikils ama í hverfinu. „Ég veit ekki hvar þessir hundar eru niður komnir. Hvort þeir hafi verið fjarlægðir eða hvort þeir eru enn þá í höndum eigenda sinna. Það sem er ljótast í þessu máli er hversu miklum usla og viðbjóði þessir hundar eru búnir að valda og það er ekkert búið að gera áður. Ég veit til þess að eigandinn hefur fengið áminningu frá MAST, en hversu margar þurfa þær að vera til þess að þessir hundar verði fjarlægðir?“ spyr Helga og segir afar sárt að aðrir dýraeigendur þurfi að gjalda fyrir vanrækslu annarra. „Það er ekki hægt að áfellast þessi aumingja dýr þar sem hegðun þeirra er einungis afleiðing vanrækslu eigenda sinna.“ Hættulegir hundar á ábyrgð sveitarfélags Samkvæmt samþykkt um hundahald í Reykjavík eru hættulegir hundar á ábyrgð sveitarfélagsins. Um það er fjallað í samþykktinni og að það sé á ábyrgð Dýraþjónustu Reykjavíkur að bregðast við. Dýraþjónustan getur þannig gert kröfu um, ef grunur er á að hundur sé hættulegur vegna til dæmis bits, að umráðamaður láti hundinn gangast undir skapgerðarmat sem framkvæmt á að vera af sérfróðum aðila eins og dýralækni. Litli á góðri stundu.Aðsend Ef skapgerðarmat leiðir í ljós að hundurinn telst hættulegur getur Dýraþjónustan gert kröfu um að hundurinn verði aflífaður. Verðir umráðamaður ekki við því getur heilbrigðisnefnd Reykjavíkur ákveðið að hundur undirgangist skapgerðamat og/eða verði aflífaður. Samkvæmt upplýsingum frá Evu Bergþóru Guðbergsdóttur, samskiptastjóra Reykjavíkur, er Dýraþjónusta Reykjavíkur meðvituðu um málið og er með það til skoðunar.
Dýr Dýraheilbrigði Hundar Kettir Reykjavík Mest lesið „Eins og að fá hnefahögg í andlitið“ Innlent Íbúar mótmæla og vilja börn frekar en byggingu í Gunnarsbrekku Innlent Bílvelta í Kömbunum Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Hleypur 110 kílómetra á dag til að setja heimsmet Lífið Brunarústirnar fjarlægðar tveimur árum eftir brunann Innlent Segir dregið úr veiðum á grundvelli „Walt Disneylíffræði“ Innlent Eygir vonarneista í fyrsta sinn í marga mánuði Innlent Skoða að efla geðheilbrigðisþjónustu á Austurlandi eftir röð áfalla Innlent Fleiri fréttir Nýupptekið grænmeti á Flúðum í dag og opnar garðyrkjustöðvar Eygir vonarneista í fyrsta sinn í marga mánuði Eygir vonarneista í fyrsta sinn og mótmæli um allt land Segir dregið úr veiðum á grundvelli „Walt Disneylíffræði“ Árborg girnist svæði Flóahrepps Sendu kæligáma til Úkraínu Langflestir lögreglumenn á Suðurnesjum Brunarústirnar fjarlægðar tveimur árum eftir brunann Íbúar mótmæla og vilja börn frekar en byggingu í Gunnarsbrekku Reyndi að stinga lögreglu af á buggy Bílvelta í Kömbunum „Eins og að fá hnefahögg í andlitið“ Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Sjá meira