Gyðjusamkoma með glæsi­legum gellum

Mikið hefur verið um Miðsumars-veislur undanfarið og teymi Sóleyjar fannst Miðsumarsdraumur, eða Draumur á Jónsmessu eins og titillinn er þýddur á íslensku eftir Shakespeare, eiga vel við vörumerkið. Þá sérstaklega þar sem Sóley Elíasdóttir eigandi er leikkona, ásamt því að vera frumkvöðull og athafnakona.

Meðal gesta voru Sigga Ózk söngkona, Erna Hrund markaðsstjóri og áhrifavaldur, Aldís Pálsdóttir ljósmyndari, Íris Dögg ljósmyndari, Silla förðunarfræðingur, Marín Magnúsdóttir, Helga Gabríela og svo lengi mætti telja. 

„Draumur á Jónsmessu fjallar um ævintýralegan álfaheim, gleði og töfra. Í boðinu var spjallað um drauma og gæði svefns. Sumar konurnar skörtuðu augngrímu sem höfuðskrauti og aðrar voru með Blómavals blómakransa. Allar fóru heim með gjöf til að ýta undir sætan svefn.

Heilsukokkurinn Kristjana Steingrímsdóttir eða Jana sá um ferskar og fallegar veitingar og DJ Sóley hélt uppi stemmningunni. Sólberja Tanqueray Gimlet og óáfengir drykkir með jurta ívafi voru í boði.

Lagt var upp úr því að nýta villtar íslenskar jurtir og flóru eins Sóley, Lúpínur og Birki í anda Sóley Organics og sett í stóra vendi sem tóku sig vel út í leirvösum. Sömuleiðis var kynnt um nýtt útlit á Sóleyjar vörunum með teikningum eftir Laufeyju Jónsdóttur hjá Koncept Reykjavík.

Vörurnar eru unnar og framleiddar á Íslandi, úr villtum og handtýndum jurtum en allt innihald er samþykkt af Ecocert (stærstu vottunarstofu Evrópu) og hafa allar vörurnar náttúrulega eða lífræna vottun,“ segir í fréttatilkynningu. 

Hér má sjá vel valdar myndir frá veislunni: