Innlent

Smali slasaðist við smala­mennsku

Sólrún Dögg Jósefsdóttir skrifar
Mynd frá vettvangi. 
Mynd frá vettvangi.  Landsbjörg

Fyrr í dag voru björgunarsveitir í Borgarfirði kallaðar út vegna smala sem hafði hrasað við smalamennsku í Skorradal og slasast eitthvað á fæti við það.

Í fréttatilkynningu frá Landsbjörgu segir að smalinn hafi hrasað í landi sem er afar erfitt yfirferðar. Í dag hafi verið smalað víðast hvar í Borgabyggð og mikið af fólki á fjalli að eltast við fé.

Björgunarsveitir hafi verið boðaðar út rétt fyrir klukkan eitt og björgunarsveitarfólk komist að slasaða smalanum á fjórhjólum en félagar smalans hefðu beðið með honum eftir aðstoð.

Smalanum hafi síðan verið komið fyrir á hjóli björgunarfólks, sem flutti hann niður að sjúkrabíl til aðhlynningar.

Björgunarsveitir Borgarbyggð Réttir

Mest lesið


Fleiri fréttir

Sjá meira


×

Mest lesið