Met mæting í Klinkuboð

Viðskiptastjórarnir Magnea Ýr Gylfadóttir og María Kristjánsdóttir héldu áhugaverða kynningu á tannvörumerkjunum Gum, Sensodyne og Parodontax sem hafa notið mikillar vinsælda meðal fagfólks í tannlækningum sem og neytenda.

Klinkuboðið hefur vaxið jafnt og þétt með árunum og nú fylltist salurinn af áhugasömum klinkum, aðstoðarfólki tannlækna, tannfræðingum, tanntæknum, auk tanntækni- og tannlæknanemum. 

Mætingin í ár var einstök og setti nýtt met, sem undirstrikar mikilvægi og vinsældir Klinkuboðsins meðal fagfólks í tannlækningum.

Artasan leggur mikinn metnað í að vinna náið með fagfólki í tannlækningum til að tryggja notkun á hágæða tannvörum, sem styðja við heilsu tanna og tannholds. Klinkuboðið endurspeglar þann metnað sem fyrirtækið leggur í að veita framúrskarandi þjónustu og fræðslu. Klinkuboðið er því mikilvægur vettvangur til að styrkja tengsl og miðla upplýsingum milli framleiðenda og fagfólks. Það er því ljóst að þessi viðburður mun halda áfram að vaxa og dafna á komandi árum.