Þola gluggarnir þínir íslenskt veðurfar?

BYKO 19. nóvember 2024 13:05

„Við í BYKO tökum vel á móti öllum sem eru að huga að gluggakaupum og fögnum öllu samstarfi við hönnuði og verktaka við val á réttu vörunni í það verkefni sem er á teikniborðinu," segir Kjartan Long, verkefnastjóri á fyrirtækjasviði BYKO.

Gluggarnir frá BYKO hafa verið leiðandi á markaði í 33 ár og hefur BYKO komið að mörgum stórum og flóknum verkefnum um allt land. Gluggarnir eru framleiddir til að þola íslenskt veðurfar auk þess að vera á mjög hagstæðu verði. Fyrir vikið standast þeir helstu kröfur HMS og byggingarreglugerðir ásamt kröfum viðskiptavinar um góða þjónustu og trausta vöru. Framleiðsla þeirra hófst hér á landi en hefur frá árinu 2002 að mestu leyti farið fram í gluggaverksmiðju BYKO í Lettlandi.

Framleiðsla glugga hér á landi á sér áratuga sögu. Á árunum 1980 til 1990 framleiddu fjölmörg trésmíðaverkstæði á Íslandi glugga og hurðir. Tæknilegir erfiðleikar og ófullnægjandi aðferðir við ísetningu glugga leiddu til þess að framleiðendur fengu oft á sig gagnrýni vegna lélegra gæða.

Þetta hvatti íslenska framleiðendur til að stofna IGH (Íslenskt glugga- og hurðaeftirlit) árið 1986 til að bæta gæði og staðla kröfur fyrir framleiðslu og ísetningu glugga og hurða. IGH verkefnið leiddi síðar til formlegrar stofnunar félagsskapar glugga- og glerframleiðanda sem fengu heitið Samtök íslenskra húshlutaframleiðenda, skammstafað SÍH, en SÍH gekk síðar inn í Samtök iðnaðarins.

Árið 2002 var framleiðsla á BYKO glugganum flutt til Lettlands.

„Upp úr 1990 tóku framleiðendur sig saman um að þróa aðferðir til ísetningar fullbúinna glugga og hurða og út frá þeirri vinnu kom fyrsta útgáfa af hinum byltingarkennda BYKO glugga eins og við þekkjum hann í dag,“ segir Kjartan Long, verkefnastjóri á fyrirtækjasviði BYKO. „Eftir sameiningu fyrirtækjanna BÓ og Ramma árið 1991 hófst markaðssetning á nýrri og endurbættri útgáfu af glugganum sem hefur staðist allar byggingarkröfur síðan.“

Framleiðslan á BYKO glugganum var flutt til Lettlands árið 2002, eins og fyrr segir, þar sem virk gæðastýring var tekin upp. Eftir það heimsótti RB (síðar NMI) verksmiðjuna árlega til að votta og taka út framleiðsluna.

„Árið 2010 voru síðan sett ný lög um byggingarvörur þar sem krafa um varmagildi og vindálag var meðal þess sem kveðið var um í nýrri byggingarreglugerð og krafan um 1100 pa. slagregnsþéttleika komst í fyrst sinn inn í byggingarreglugerð. BYKO glugginn stóðst þessar reglugerðir á allan hátt. Gluggarnir voru einnig CE-merktir árið 2014 til samræmis við reglur Evrópusambandsins.“

Með auknum kröfum markaðarins hefur BYKO unnið markvisst í að þróa gluggann enn frekar til að standast m.a. auknar hljóðkröfur, dýpri prófíla og eldvarnarkröfur sem gerðar eru til glugga og hurða. Í dag eru BYKO gluggar komnir með 2700ph slagregnspróf sem er það hæsta sem gluggar á íslenskum markaði hafa náð.

„Árið 2023 hófst vinna við að bjóða upp á Svansvottaða glugga og í ársbyrjun 2024 kynntum við hjá BYKO fyrsta Svansvottaða gluggann, sérhannaðan fyrir íslenskan markað. Í byrjun árs 2024 hóf HMS vinnu við markaðseftirlit á þeim gluggum sem boðnir eru á Íslandi og getur BYKO stolt sagt frá því að allar þær gluggagerðir sem fyrirtækið býður stenst þessar ströngu kröfur.“

Sagan sýnir að metnaðarfullt samstarf BYKO við hönnuði og verktaka undanfarin ár hefur tryggt að BYKO gluggar uppfylli alla staðla í takt við vaxandi kröfur markaðarins. „Við í BYKO tökum vel á móti öllum sem eru að huga að gluggakaupum og fögnum öllu samstarfi við hönnuði og verktaka við val á réttu vörunni í það verkefni sem er á teikniborðinu. Það sýnir sig vel í fyrri verkefnum að það margborgar sig að koma gluggapælingum snemma í hönnunarferlið. Það getur sparað háar upphæðir og minnkað flækjustuðulinn síðar meir.“

Síðustu ár hefur BYKO komið að mörgum stórum og flóknum verkefnum og leist þau með sóma í samvinnu við verktaka og hönnuði.

Ef þig vantar vandaða glugga, hafðu þá endilega samband við gluggar@byko.is.

Byggingariðnaður Hús og heimili