EX90 sló í gegn á frum­sýningu hjá Brimborg

„Hér var fullt hús. Mjög margir skelltu sér í reynsluakstur og það heldur stöðugt áfram. EX90 á klárlega eftir að slá í gegn hjá íslenskum kaupendum enda fær fólk mikið fyrir peninginn. Bíllinn er vel búinn og ekkert sem þarf að kaupa aukalega. Þetta er einstakur lúxuspakki,” segir Páll Ingi Magnússon, sölustjóri Volvo á Íslandi. 

Öruggasti og tæknilegasti bíll Volvo

EX90 er öruggasti bíll sem Volvo hefur framleitt til þessa og sá tæknilegasti, búinn loftpúðum allt um kring og sérmeðhöndlað stál í grind. Innbyggður LiDAR pakki samanstendur af myndavélum, ratsjám og skynjurum sem skynja m.a hindranir allt að 250 metrum framan við bílinn og fólk og bíla úr öllum áttum. Inni í bílnum er myndavél sem fylgist meðal annars með fókuspunkti augna ökumanns og nemur þreytu.

Stílhrein hönnun og einstakir aksturseiginleikar

Hönnunin innra rýmisins er stílhrein og umhverfissjónarmið skipa þar stóran sess.  Áætluð drægni EX90 er allt að 614 kílómetrar. Bíllinn er rétt tæp þrjú tonn en er virkilega lipur í akstri. „Eftir reynsluakstur var ekki óalgengt að fólk sagði „þetta er eitthvað annað"! Við heyrðum einnig lýsingarorð eins hljóðlátur, rúmgóður og fallegur, og fólk talaði um snerpu og mýkt," segir Páll. Hægt er að bóka reynsluakstur hér.

Dregur meira en tvö tonn

Dráttargeta bílsins er 2200 kg svo lítið mál er að taka hjólhýsið með í fríið. Farangursgeymslan tekur 655 lítrar og þegar búið er að fella niður öftustu sætin er farangursrýmið komið í 1915 lítra. Sætin eru rafdrifin og felld niður með því að ýta takka í farangursrýminu og þau leggjast sjálfkrafa ofan í gólfið.

Myndir frá viðburðinum er að finna hér fyrir neðan. Valgarður Gíslason ljósmyndri smellti af:

Hér má fletta í gegnum fleiri myndir frá viðburðinum: