Þessir mega byrja að ræða við önnur félög

Smári Jökull Jónsson skrifar 1. janúar 2025 14:00

Mohamed Salah, Kevin De Bruyne, Harry Maguire og Heung-Son Min verða allir samningslausir í sumar. Vísir/Getty

Félagaskiptaglugginn á Englandi er nú opinn. Fjölmargir leikmenn eiga nú minna en sex mánuði eftir af samningum sínum og geta hafið viðræður við erlend félög um félagaskipti næsta sumar.

Félagaskiptaglugginn í ensku úrvalsdeildinni opnaði á miðnætti og geta liðin í deildinni bætt við sig nýjum leikmönnum. Glugginn lokar aftur klukkan 23:00 mánudaginn 3. febrúar og hafa félögin því rúman mánuð til stefnu.

Glugginn þýðir þó ekki aðeins að félög deildarinnar geta keypt leikmenn því frá miðnætti gátu leikmenn sem renna út á samningi þann 30. júní í sumar hafið viðræður við erlend félög um félagaskipti þegar samningur þeirra rennur út. Geta leikmennirnir þá farið frítt og eru nokkur stór nöfn á listanum sem Skysports tók saman.

Hér er listi yfir þá leikmenn sem geta yfirgefið félög sín frítt í sumar:

Arsenal: Jorginho, Thomas Partey og Kieran Tierney

Thomas Partey kom til Arsenal árið 2020 og hefur byrjað flesta leiki liðsins á tímabilinu.Vísir/Getty

Aston Villa: Robin Olsen og Kourtney House

Bournemouth: Enginn

Brentford: Ben Mee, Christian Nörgaard og Josh Dasilva

Brighton: James Milner, Joel Veltman, Tariq Lamptey, Jakub Moder og Imari Samuels

Hinn 38 ára gamli James Milner vantar aðeins sautján leiki til að slá met Gareth Barry yfir flesta leiki í ensku úrvalsdeildinni frá upphafi.Vísir/Getty

Chelsea: Lucas Bergström

Crystal Palace: Will Hughes, Nathaniel Clyne, Joel Ward, Jeffrey Schlupp og Remi Matthews

Everton: Dominic Calvert-Lewin, Michael Keane, Idrissa Gueye, Abdoulaye Doucoure, Ashley Young, Seamus Coleman og Asmir Begovic

Dominic Calvert-Lewin hefur leikið með Everton frá árinu 2016.Vísir/Getty

Fulham: Tom Cariney, Adama Traore, Raul Jimenez, Kenny Tete og Carlos Vinicius

Ipswich: Axel Tuanzebe, Massimo Luongo, Cameron Burgess og Luke Woolfenden

Leicester: Jamie Vardy, Danny Ward og Daniel Iversen

Liverpool: Mohamed Salah, Virgil Van Dijk og Trent Alexander-Arnold

Virgil Van Dijk verður brátt samningslaus en Liverpool á í viðræðum við fyrirliða sinn um nýjan samning.Vísir/Getty

Manchester City: Ilkay Gundogan, Kevin De Bruyne og Scott Carson

Manchester United: Amad Diallo, Harry Maguire, Jonny Evans, Christan Eriksen, Victor Lindelöf og Tom Heaton

Amad Diallo hefur spilað vel að undanförnu og verður að teljast líklegt að knattspyrnustjórinn Ruben Amorim muni leggja mikla áherslu á að semja við hann.Vísir/Getty

Newcastle: Callum Wilson, Fabian Schar, Sean Longstaff, Jamaal Lascelles, Martin Dubravka, Emil Krafth, John Ruddy og Mark Gillespie

Nottingham Forest: Chris Wood, Ola Aina, Willy Boly og Harry Toffolo

Chris Wood er kominn með ellefu mörk á tímabilinu fyrir spútniklið Notthingham Forest.Vísir/Getty

Southampton: Kyle Walker-Peters, Adam Lallana og Joe Lumley

Tottenham: Heung-Min Son, Fraser Forster, Ben Davies, Sergio Reguilon og Alfie Whiteman

West Ham: Aaron Cresswell, Michael Antonio, Danny Ings, Vladimir Coufal og Lukasz Fabianski

Wolves: Pablo Sarabia, Craig Dawson, Mario Lemina og Nelson Semedo

Mest lesið

Fleiri fréttir