Blikum spáð öðrum titli en stutt stopp hjá ný­liðunum

Keppni í Bestu deildinni hefst á þriðjudaginn og hefur upphitun verið í gangi á helstu miðlum landsins síðustu daga.

Í dag var svo greint frá því hvað fulltrúar liðanna sjálfra halda um lokastöðuna næsta haust, í beinni útsendingu á Vísi.

Ef spáin rætist verða það Breiðablik og Valur sem aftur berjast um titilinn en titilslagur þeirra náði fram á lokasekúndu síðasta Íslandsmóts.

Fram er mætt aftur í efstu deild kvenna og spilar þar í fyrsta sinn síðan árið 1988, og FHL verður fyrsti fulltrúi Austfjarða í efstu deild síðan Höttur lék í efstu deild kvenna árið 1994. Ef spáin rætist munu þessi lið hins vegar falla aftur niður í Lengjudeildina í haust.