Snýr aftur eftir lungna­bólguna

Þetta staðfestir félagið á Twitter-síðu sinni og þakkar stuðningsmönnum fyrir hlýjar kveðjur til stjórans.

Howe var lagður inn á sjúkrahús 11. apríl og degi síðar var tilkynnt að hann yrði ekki við stjórnvölinn í heimaleiknum við Manchester United.

Aðstoðarstjórinn Jason Tindall og þjálfarinn Graeme Jones fylltu í skarðið fyrir Howe og þurftu að gera það í þremur leikjum.

Liðið byrjaði á að vinna United af öryggi, 4-1, vann svo 5-0 stórsigur á Crystal Palace en tapaði loks 4-1 fyrir Aston Villa um helgina.

Newcastle, sem mætir næst Ipswich á St James‘ Park á laugardaginn, situr nú í 5. sæti úrvalsdeildarinnar en fimm efstu liðin komast í Meistaradeild Evrópu á næstu leiktíð.