Á förum frá Arsenal

ESPN greindi fyrst frá þessu í dag. Partey, sem er landsliðsmaður Gana er 32 ára gamall og hefur spilað með Arsenal frá árinu 2020, eftir komuna frá Atlético Madrid.

Samningur hans við Arsenal rennur út í lok þessa mánaðar og nú lítur allt út fyrir að þar með kveðji Partey félagið. Samkvæmt heimildamanni ESPN náðu menn einfaldlega ekki saman í samningaviðræðunum.

Partey er sagður í sigti nokkurra félaga, þar á meðal í Tyrklandi, og ESPN nefnir einnig spænska risann Barcelona.

Partey hefur leikið yfir 160 leiki fyrir Arsenal og skorað níu mörk. Hann lék 35 deildarleiki í vetur og leysti þá gjarnan stöðu bakvarðar.