Myndaveisla: Sam­staða og stolt í al­gleymingi í Gleðigöngunni

Veðrið lék við þátttakendur og gesti og gerði litina enn bjartari ef eitthvað er. Gleðigangan er fögnuður en í senn kröfuganga. Hinsegin fólk krefst jafnréttis, vitundarvakningar, útrýmingar mismununar og vettvangs í senn til að fagna því sem áunnist hefur í baráttunni.

Fylkingin lagði af stað frá Hallgrímskirkju og gekk í Hljómskálagarðinn þar sem þétt dagskrá tónlistaratriða tók við. Þá flutti Kristrún Frostadóttir forsætisráðherra einnig hátíðarræðu.

Hátíðardagskránni lauk seinni partinn en það gerði gleðinni svo sannarlega ekki. Pallaball hófst í Gamla bíói klukkan níu og stendur yfir til eitt í nótt og svo fer lokahóf hinsegin daga fram í Iðnó og þar verður dansað fram á rauðanótt.

Ljósmyndari Vísis fylgdist vel með hátíðarhöldunum og festi eftirfarandi augnablik samstöðu og hamingju á filmu.