Valdi úr­vals­lið Púllara: „Hefði átt að setja Djimi Traoré í vörnina“

Sóli fékk heimaverkefni í aðdraganda þáttar gærkvöldsins þar sem fyrsta umferð ensku úrvalsdeildarinnar var gerð upp á léttu nótunum. Hann þurfti að velja fimm manna lið Liverpool-manna úr deildinni. Eitthvað kom á óvart á meðan annað var óvæntara í valinu.

Steven Gerrard er að til að mynda í liðinu enda með „allt þetta besta sem við Samfélagið elskum“ samkvæmt Sóla sem er sjálftitlaður formaður Liverpool-samfélagsins á Íslandi.

Albert Brynjar Ingason lagði þá til að Svisslendingurinn Stepháne Henchoz fengi sæti í vörninni á liði Sóla. Sóli sagði annan ofar á lista til annan mann í vörn liðs síns.

„Ég hefði átt að setja Djimi Traoré í vörnina. Það er gæji sem clutchar.“

Fimm manna lið Sóla Hólm og skýringar hans fyrir vali sínu má sjá í spilaranum.

Varsjáin er á dagskrá öll þriðjudagskvöld á Sýn Sport þar sem hver umferð í enska boltanum er gerð upp á léttum nótum.