Ísraelar númeri of litlir fyrir Grikki

Það munaði auðvitað miklu fyrir Grikki að vera með Giannis Antetokounmpo í sínum röðum en hann skoraði 35 stig í kvöld og reif niður tíu fráköst. Líkamlegir yfirburðir hans á vellinum voru algjörir og hann tróð boltanum ítrekað með miklum tilþrifum.

Grikkir skutu boltanum afar illa fyrir utan í kvöld, aðeins fjórir þristar ofan í og 16 prósent nýting en þeir höfðu algjöra yfirburði í annarri tölfræði í kvöld. Fráköst Grikkja voru til dæmis 43 gegn 29 og þar af tóku þeir 18 sóknarfráköst.

Orkustig Ísraela var einfaldlega ekki á þeim skala sem það hefði þurft að vera til að hemja Giannis og félaga og því fór sem fór.