Nóa-Siríus fjöl­skyldan fyrr­verandi selur súkkulaðihöll

Fasteignamat eignarinnar er 163 milljónir en um er að ræða 338 fermetra þriggja hæða hús í Seljahverfinu í Breiðholti. Ekkert verð er gefið upp fyrir eignina heldur óskað eftir tilboði.

Í lýsingu segir að húsið sé vel skipulagt. Það séu fjögur svefnherbergi, bílskúr, stór og ræktuð lóð við friðað svæði og að staðsetningin sé einkar friðsæl. Þá kemur fram að húsið hafi verið mikið endurnýjað.

Í húsinu eru tvö fataherbergi, baðherbergi með spa stemningu og líkamsrækt í bílskúr.

„Lóðin er afar falleg og vel hönnuð, hellulögð að hluta með góðum palli, barnahúsi og gróðursælum garði þar sem álfasteinn prýðir svæðið. Hægt er að njóta bæði morgun- og kvöldsólar í þessu friðsæla umhverfi. Þetta er einstaklega hlýlegt og vandað heimili á einum af bestu stöðunum í Seljahverfi eða á höfuðborgarsvæðinu ef út í það yrði farið,“ segir í lýsingunni.

Nánari upplýsingar um eignina má finna á fasteignavef Vísis.