Tinna Hrafns og Sveinn selja á Laugarásveginum

Íbúðin er fimm herbergja á annarri hæð hússins, sem var byggt 1959, með útsýni yfir Laugardal og með svölum til suðvesturs. Sérinngangur er að íbúðinni á norðausturhlið hússins og er gengið í gegnum garðinn sem fylgir íbúðinni.

Anddyrið er með flísum á gólfi, opnu fatahengi og stiga upp í íbúðina með nýlegu kókosteppi. Stofan og borðstofan mynda opið rými með viðarparketi á gólfi og gluggum til austurs og suðurs. Rúmgott eldhús opið við stofuna með viðarparketi, innréttingu með skápaplássi, opnum hillum, eyju og gluggum til norðausturs.

Baðherbergið er flísalagt í hólf og gólf með upphengdu salerni, baðkari með sturtuaðstöðu og glugga með opnanlegu fagi. Þvottahús innan íbúðar, við hlið baðherbergis, með rými fyrir þvottavél og þurrkara.

Garðinum hefur verið skipt upp og er hver íbúð með sinn hluta til afnota og er geymsluskúr í garðinum. Fyrir framan húsið er bílastæði sem íbúðin nýtir.

Lesa má nánar um íbúðina á fasteignavef Vísis.