Innlent

Átta fram­bjóð­endur VG berjast um þrjú sæti á lista í Reykja­vík

Elín Margrét Böðvarsdóttir skrifar
Stefán Pálsson varaborgarfulltrúi og Líf Magneudóttir borgarfulltrúi sækjast bæði áfram eftir sæti á lista fyrir VG í borginni, sem býður fram sameiginlegan lista með Vori til vinstri.
Stefán Pálsson varaborgarfulltrúi og Líf Magneudóttir borgarfulltrúi sækjast bæði áfram eftir sæti á lista fyrir VG í borginni, sem býður fram sameiginlegan lista með Vori til vinstri. Vísir/Samsett

Alls bárust átta framboð í forvali Vinstri grænna í Reykjavík vegna borgarstjórnarkosninganna í vor. Frambjóðendurnir átta berjast um þrjú sæti á lista en framboðsfrestur rann út á miðnætti þann 1. febrúar.

Þetta kemur fram í tilkynningu frá Vinstri grænum í Reykjavík í framhaldi af fundi kjörstjórnar félagsins sem haldinn var í gærkvöldi. Sitjandi borgar- og varaborgarfulltrúar flokksins eru meðal frambjóðenda en forvalið sjálft fer fram rafrænt helgina 20. til 22. febrúar. Fram kemur í tilkynningunni frá VGR að frestur til að skrá sig í hreyfinguna til að taka þátt í forvaldinu renni út á miðnætti á þriðjudaginn í næstu viku, þann 10. febrúar. 

„Kosið er um þrjú efstu sæti Vinstri grænna á sameiginlegum framboðslista hreyfingarinnar og Vors til vinstri,” segir ennfremur í tilkynningunni. 

Þau gefa kost á sér í forvalinu:

Auður Alfífa Ketilsdóttir, smíðakennari

Finnur Ricart Andrason, sérfræðingur í umhverfis- og loftslagsmálum

Hlynur Már Ragnheiðarson, sjúkraliðanemi

Líf Magneudóttir, borgarfulltrúi

Riitta Anne Maarit Kaipainen, rekstrarstjóri

Stefán Pálsson, sagnfræðingur og varaborgarfulltrúi

Steinar Harðarson, vinnuverndarráðgjafi

Sveinn Rúnar Hauksson, læknir

Reykjavík Borgarstjórn Sveitarstjórnarkosningar 2026 Vinstri græn

Mest lesið


Fleiri fréttir

Sjá meira


×

Mest lesið