Flestir ó­á­nægðir með störf ríkis­stjórnarinnar

Karlmenn eru marktækt óánægðari með störf ríkisstjórnarinnar en konur en ekki er marktækur munur eftir búsetu þátttakenda.

Þau sem eru hvað óánægðust er fólk á aldrinum átján til 24 ára og 35 til 44 ára en yfir helmingur telur ríkisstjórnina ekki hafa staðið sig. Það er einungis í aldurshópnum 65 ára og eldri þar sem meira en helmingur er ánægður með stjórnina.

Níutíu prósent kjósenda Miðflokksins eru óánægðir en 79 prósent kjósenda Samfylkingarinnar eru ánægðir.

Í síðustu skoðanakönnun, sem birt var í byrjun október, hafði ánægja með störf ríkisstjórnarinnar ekki verið meiri í á fimmta ár. Þá voru 48 prósent ánægð með ríkisstjórn Kristrúnar Frostadóttur en þeim hefur fækkað um tæplega tíu prósent.

Könnunin var framkvæmd dagana 29. janúar til 16. febrúar.