Væta með köflum í flestum lands­hlutum

Þá bætir í rigningu og vind á vestanverðu landinu annað kvöld. Hiti níu til sautján stig að deginum, hlýjast á Austurlandi og Austfjörðum að því er fram kemur á vef Veðurstofunnar.

Veðurhorfur á landinu næstu daga:

Á þriðjudag:

Suðlæg átt 5-13 m/s, hvassast með suðausturströndinni. Dálítil rigning, en bjartviðri norðaustan- og austanlands. Bætir í rigningu á vestanverðu landinu um kvöldið. Hiti 10 til 17 stig, hlýjast á Austurlandi.

Á miðvikudag:

Sunnan 8-13 m/s, rigning eða skúrir og hiti 8 til 12 stig. Bjartviðri norðaustantil á landinu með hita að 17 stigum.

Á fimmtudag:

Suðvestlæg eða breytileg átt 3-10 m/s og skúrir eða rigning um mest allt land. Hiti 7 til 13 stig.



Á föstudag:

Vestan og norðvestan 5-13 og víða vætusamt, en úrkomulítið á suðaustanverðu landinu. Hiti 7 til 15 stig, hlýjast suðaustanlands.

Á laugardag:

Sunnan og suðvestan 3-8 og lítilsháttar rigning seinni partinn, en þurrt á Norður- og Austurlandi. Hiti 8 til 14 stig, hlýjast norðaustantil.

Á sunnudag:

Útlit fyrir suðvestlæga átt og skúri. Hiti breytist lítið.