Scho­les segir Arsenal vera leiðin­legt lið

Scholes var vissulega vanur skemmtilegum sóknarfótbolta þegar hann réði ríkjum á miðjunni hjá sigursælu liði Manchester United.

Scholes fór svo langt að kalla Arsenal f-g leiðinlegt lið.

„Maður verður að muna að þetta er skemmtanabransi, skilurðu hvað ég meina? Og þeir skemmta manni mjög sjaldan,“ sagði Scholes.

„Fólk borgar formúgu fyrir að fara að horfa á þá og þetta er f-g leiðinlegt,“ sagði Scholes.

„Ef þú borgar 500 pund fyrir miða (82 þúsund íslenskar krónur), þá ferðu og horfir á þá skora úr föstu leikatriði og koma svo ekki út úr teignum, skilurðu hvað ég meina?“ sagði Scholes.

Arsenal-liðið hefur spilað níu leiki í ensku úrvalsdeildinni á leiktíðinni og er í efsta sæti með 24 stig í húsi af 27 mögulegum. Liðið hefur skorað 14 mörk og hvert mark er því 1,7 stiga virði.

Arsenal hefur skorað sex mörkum minna en liðið í öðru sæti (Manchester City) og tíu mörkum minna en liðið í þriðja sæti (Birmingham & Hove Albion). Arsenal er samt í fjórða sæti í væntum mörkum (xG) en bara í tíunda sæti yfir sköpuð dauðafæri.