Léttir og meðfærilegir nuddpottar

Verslunin Jón Bergsson ehf. við Lyngháls 4 í Reykjavík hefur verið með örlítið öðruvísi nuddpotta til sölu síðustu fjögur árin. Nuddpottar þessir heita Softub og hafa farið sigurför um Bandaríkin og Kanada á undanförnum árum. Softub-pottarnir eru gerðir úr einangrunarefni sem er eins konar loftkennt plastefni og vega þeir aðeins um þrjátíu kíló. Pottarnir eru mjög vel einangraðir og því er orkukostnaður við þá mjög lágur. Pottarnir eru einstaklega mjúkir og þægilegir en þó eru brúnirnar það sterkar að þær geta borið fullvaxinn mann. Pottarnir eru einnig mjög barnvænir þar sem börn geta buslað eins og þau vilja og eiga ekki í hættu að meiða sig þar sem engar hvassar brúnir eru á pottunum. Auðvelt er að koma pottunum fyrir og koma þeir tilbúnir til notkunar úr versluninni. Það eina sem þarf að gera er að finna sléttan föt fyrir pottinn, stinga honum í samband við rafmagn og fylla hann af vatni með garðslöngu. Innbyggður hreinsibúnaður er í pottinum og þarf að skipta um vatn í honum 2-4 sinnum á ári. Þrjár stærðir eru til af þessum pottum. Hægt er að fá tveggja, fjögurra eða sex manna pott. Nudd er í pottunum og lok fylgir með mjög öruggri læsingu. Í sex manna pottunum er ljós. Einnig er hægt að fá aukabúnað í pottana eins og yfirbreiðslu og timburbekki í kringum þá. Softub-pottarnir passa í öllum veðrum og alls staðar; á svalir, í garðinum eða í sumarbústaðnum og auðvelt er að rúlla þeim milli staða.