Tagl og tíkó inni í hártískunni

Stutt, sítt, bylgjur, slétt, ljóst, rautt, tagl, toppur, fléttur og tíkó, allt er þetta reglulega til skiptis inni og úti í hártískunni.

Taglið er búið að vera vinsælt undanfarið, hliðartagl var áberandi síðastliðið sumar og vetur og það heldur velli en með nýjum útfærslum.

Málið er að vera með millisítt hár, tekið saman í svolítið tuskulega tíkarspena, hátt eða lágt tagl, hliðartagl eins og áður segir eða mörg lítil tögl. Höfuðklútur fer vel með mismunandi töglum sem og skraut eins og perlur eða leðurreimar. Leyfið hugmyndafluginu að njóta sín.